RCLM Baucau (26/05/2026)—Depois de Misa Agradesementu Bispu Diocese Baucau Don Leandru Maria Alves hamutuk ho Prezidente Autoridade Munisipiu Baucau, Inagura Ilhas Na’i Feto Ramelau iha foho Afamutu Aldeia Desagua Suku Samalari Postu Administrativo Laga Munisipiu Baucau, sabadu fim de semana ne’e.
Don Leandro Maria Alves hateten, agradese tebes ba sarani Aldeia desagua Autoridade Suku to’o Aldeia no familia Soldadu negro ne’ebe inisiativa konstrui no hatur ilhas Na’i Feto Ramelau, hodi hametin fiar sarani sira nian, Tamba ne’e husi ba sarani aldeia desagua no Soldadu Negro sira atu nafatin tau matan no kuidadu ilhas Nai Feto Ramelau
“Ne’e duni husu ba hotu hotu atu tau matan kuidadu tamba ita hatene katak ita nia inan salva ita, ita mos buka atu fo protesaun ba fatin ida ne’e katak buka atu kuidadu halo didiak, tamba ita hare imagen ida ne’ebe mak furak ita hare nosa senhora ida ne’ebe ke kapas teb tebes ne’ebe lori duni ilhas Ramelau ninia mai tau iha ne’e, ne’ebe furak no furak mos iha ita nia fuan halo joven sira hotu sai ema maria ninian ne’ebe mak hadomi ema ne’ebe mak fo malu diak ita nia inan iha ita nia leet ne’e, halo ita sai familia ida deit, ne’e duni agradese ba hotu hotu ba autoridade sira hotu Sivil i Militares prejensa iha ne’e ho ita boot sira nia prejensa suporta ba ita nia aktividade fiar ninia”. Dehan Bispu Deocese Baucau iha Desagua Laga Sabadu foin lalais ne’e.
Inisiador Domingos Jose da Costa ‘Salak’ hateten, inisiativa hatur Ilhas Nai Feto Ramelau iha foho Afamutu Desagua tamba hahu husi Tempu Portugues Indonezia to’o Timor-Leste hetan Independensia, konsidera foho ida ne’e lulik no sagradu tanba fatin ida ne’e halulik husi Lia Nain sira, tuir lisan no kultura ne’ebe iha inklui iha tempu kalan dala ruma hatudu sinal naroman iha fatin ida ne’e.
“Fatin no Foho ida ne’e , ohin ba oin sei sai sagrado liu tan ho bensaun no prezensa ESTÁTUA ILAS NA’I FETO RAMELAU, sai fatin aas, hodi hasa’e ita aan ba Maromak no konsagra ita aan ba Maromak hodi husu graça ne’ebe ita presiza husi Maromak nia tulun Fatin, no foho ida ne’e hahu ohin ba oin mos, laos deit sai fatin ba Peregrinasaun Religioza, maibe mos sai ona SÍTIU TURÍSTIKU IDA IHA TIMOR-LESTE, PARTE LOROSA’E nian, ne’ebe sei hamorin liu tan Timor nia naran religiozamente iha Mundu nia matan”. Hatete Domingos.
Entertantu reprejentante sarani Desagua Frederico Jose da Costa hateten, sente kontente no orgullu tebes tamba iha ona Na’i feto Ramelau bainhira halo Devosaun La presija la’o dook to’o iha Foho Ramelau.
“Ha’u gradese tebes tamba Na’i feto ohin loron mai permanente iha ami nia leet, no sei la ba dook tan iha Na’i feto Ramelau oh nunee ami nudar sarani katoliku sente entosiasmu sente kontente”
Depois de de inagura no bensaun ba Ilhas Na’i Feto Ramelau parte konseleiru soldadu Negro fo posse ba membru foun hamutuk nain 56, inklui soldadu Negro junior, enkuantu Soldadu Negro ne’ebe ativo iha teritoriu hamutuk rihun ida resin hodi halo devosaun ba Na’i feto Ramelau, Enkuantu ilhas nain feto Ramelau ho nia medida naruk kuaze metru atus ida ualu nolu.
Ekipa Kobertura : RCLM Baucau
