RCLM Baucau (25/05/2026)—Klube voleibol hamutuk 16 kompostu mane klube 8 no feto klube 8 iha Munisipiu Baucau, partisipa kompetisaun Ministeriu Juventude Desportu Arte no Kultura(MJDAK) Cap tinan 2026, iha ámbitu Liga Voleibol Timor-Leste (LVTL) terseira divizaun.
Iha Abertura Jogu nivel territorial ne’ebe realiza iha Ginazio Vila Nova Baucau, Ministru Juventude Desportu Arte no Kultura Nelio Isaac Sarmento hateten, kompetisaun liga voleibol MJDAK cap reliza iha kada Munisipiu ho terseiru divizaun, bainhira klube sira heta primeiru klasifikasaun sei partisipa kompetisaun segunda divizaun iha Nasionál.
“Antes ita atu hahú liga profisionál ka liga-1, ita hahu ho terseira divizaun atu hare klub ne’ebé ita bolu MJDAK Cap, kada Munisipiu ida nia klube mane no feto ne’ebé kualifikadu atu partisipa segundu divizaun, ne’e faz parte planu integradu bola voli nian” dehan MJDAK iha Ginazio Vila Nova.
Prezidente Federasaun Voleibol Timor-Leste Inosensio Araujo da Silva afirma, MJDAK no FVTL loke kompetisaun liga voleibol terseira divizaun kada Munisipiu, atu promove talentu foinsa’e iha area desportu liu-liu voleibol.
“ohin ita abertura liga 3 MJDAK Cap voleibol iha teritoria laran tomak sentraliza iha Baucau tamba, Baucau uluk iha pontensia ba voli no modalidades seluk, maibe ikus ne’e tun fali entaun ita mai halo abertura atu fó motivasaun Baucau oan sira no munisipiu sira seluk sira, bele hahu fali saida mak sira bele kontribui ba ita nia rai liuhosi, sira nia prestasaun desportu liu-liu modalidades voli,” tenik Prezidente FVTL.
Prezidente Autoridade Munisipiu Baucau Veneranda Eurico Lemos Martins dehan, Baucau oan tempu liu ba sempre produz jogador hodi partisipa nivel Nasional no Intenasional, tamba ne’e enkorja juventude jerasaun foun kontinua banati tuir.
“Ita Baucau desde uluk koiñesidu hamoris no hahoris ema desportu sira, entaun sai exemplu ba ita kontinua nafatin ho ispiritu unidade ita lori Baucau ba prosperidade,” dehan PAM.
Jogadora Elizia Ornai apresia MJDAK kria jogu voleibal iha kada Munisipiu sira bele partisipa, hodi kompete ho klub sira seluk hodi hakat ba segundu dvizaun liga voleibol iha Nasionál, alende ne’e hadia saúde.
“Ha’u sente kontente tamba foin primeira vez ami nia klube tuir jogu ne’e hodi hametin liu tan ami nia amizade ho komunidade sira seluk, no ami nia ekipa foin primeira vez joga la to’o primeira lugar ami sei koko,” dehan jogador FC Saúde Tirilolo.
Kompetisaun Ministeriu Juventude Desportu Arte no Kultura (MJDAK) cap tinan 2026 iha ámbitu Liga Voleibol Timor-Leste (LVTL) terseira divizaun iha Munisipiu Baucau, Klub 16 ne’ebé partisipa ekipa feto hanesan FC Vemasse, Matebian, SOL, Fatumaca, Saúde, Tirilolo, PNTL, ekipa mane hanesan Lengend Batako, Jubileo 20, Vemasse, LSL, Matebian, Macalaco, Oslai Motor no Ueru-Mata.
Enkuantu orsamentu MJDAK apoiu ba jogu refere iha teritoria Nasionál hamutuk rihun atus tolu lima. Jogu ne’e hahu abertura iha 24 fulan juñu no finaliza iha 7 jullu tinan ida ne’e.
Ekipa Kobertura : RCLM
