RCLM Baucau (20/05/2026)—Komemorasaun Restaurasaun Independénsia Timor-Leste ba dala-24, Autoridade Munisipál Baucau husu ema hotu halo reflesaun ba ida-idak nia kna’ar ba dezenvolvimentu, hodi hatutan lulta nain sira nia obra durante prosesu luta ba ukun rasik an.
Prezidente Autoridade Munisipiu Baucau Veneranda Eurico Lemos Martins afima, komemorasaun Restaurasaun Independénsia, Timor-oan halo reflesaun kona-ba dezenvolvimentu ne’ebé halo ona maske seidauk total, maibé governu esforsu nafatin atu kontinua hodi hatutan erói, eroina no martires pátria inklui Kombatente Libertasaun sira, atu povu moris di’ak no hakmatek kona-ba dezenvolvimentu sustentavel no ekonomia ne’ebé rejilente.
“Ita hotu sente katak luta naruk ida ne’e iha duni benifisiu nei-neik maibé bei-beik, hanesan Prezidente Autoridade Munisipál Baucau hakarak fó agradesementu wain ba entidades hotu-hotu sivíl, militár, estudante, konsellu Munisipál Libertasaun Nasionál Baucau, estrutura servisu Munisípál delegasaun territóriál ba maluk Timor-oan hotu, ita ida-idak mak sei kontinua ita nia luta iha ida-idak nia kna’ar fatin,” PAM Veneranda hateten liu bainhira Içar Bandeira remata iha Administrasaun Munisipál Baucau kuarta-feira ne’e.
PAM Baucau haktuir, durante luta ba Independensia tinan naruk maibé luta nain sira lahare ba kores, maibé ho objetivu hakarak Timor-Leste sai nasaun independente, nune’e enkoraja komunidade hotu kontinua luta iha ida-idak nia kna’ar ne’ebé iha.
“Hare malu hanesan Timor-oan la hare malu hanesan inimigu, durante 24 luta naruk, maibe ita nia luta nain sira lahare kor Timor ida-idak nian liu hare liu ba Timor-oan nia objetivu tenke to’o libertasaun pátria. Ohin ita hotu Timor oan sira feto no mane, ferik no katuas juvetude sira hotu ita orgullu selebra loron restaurasaun independénsia tinan 24. Ita nafatin hamutuk liu-liu iha Munisípiu Baucau postu 8 suku 62 no aldeia 281 fó liman ba malu hateke bá malu hanesan Baucau oan atu dezenvolve moris di’ak tenke to’o maske nei-neik maibé bei-beik,” tenik Veneranda.
Ámbitu selebrasun loron restaurasaun Independensia tinan 24 ho içar Bandeira iha Autoridade Munisipál Baucau, Veneranda agradese mos ba ema hotu nia kontribuisaun tamba lasura kolen hodi fó susesu ba loron Nasionál Restaurasaun Independensia iha Baucau.
Komemorsaun loron Restaurasaun Independensia ba dala 24 iha resintu Administrasaun Munisípál Baucau, hahú formatura no Içar Bandeira komesa tuku walu ho balun dader to’o tuku sanulu hetan partisipasaun másimu autoridade sivíl no militár , veteranus, funsionáriu estudante, no komunidade.
Enkuantu atividade ne’ebé priense ba loron Nasionál Restaurasaun Independensia 20 de Maio tinan ne’e, hanesan misa agradesementu, limpeza jerál, jogu tradisionál futu manu, feira produtu lokál no animasaun drama, tebe-dai, no seluk tan.
Ekipa Kobertura : RCLM
