RCLM Baucau (13/05/2026)—Governu liu husi Ministériu Juvetude Desportu Arte no Kultura (MJDAK), apoiu orsamentu hamutuk dolár amerikanu rihun sanulu atus lima ($ 10,500.00) ba Postu Administrativu tolu hanesan Baucau vila, Baguia no Laga hodi realiza desportu komunitáriu.
Pontu Fokál MJDAK iha Munisípiu Baucau Elizio Plácido Ramos hateten, Ministériu Juvetude Desportu Arte no Kultura apoiu orsamentu ba Postu Administrativu tolu, iha ne’ebé kada Postu Administrativu ida ho motante $ 3,500.00.
Apoiu ne’e bazéia ba proposta husi Autoridade Postu Administrativu tolu, hodi realiza Desportu Komunitáriu atu anima komunidade hodi komemora loron 20 Maiu Restaurasaun Independensia Timor-Leste ba dala-24 tinan ne’e (2026), alende ne’e prepara Juvetude ne’ebé talentu desportu hodi partisipa iha kompetisaun nivél Postu Administrativu, Munisipiu to’o Nasionál.
“20 Maio (Restaurasaun Independénsia Timor-Leste ba dala-24), Munisípiu Baucau MJDAK apoiu Postu tolu ne’ebé realiza atividade desportu komunitáriu hanesan Postu Baucau vila, Baguia no Laga, ekipa MJDAK delega hau akompaña atividade jogu desportiva refere,” dehan Pontu Fokál MJDAK iha Munisípiu Baucau iha vila Nova.
Iha sorin seluk, Administradór Postu Administrativu Baucau vila, Aires de Fatima Correia apresia MJDAK tamba, aprova proposta ne’ebé submete hodi apoia orsamentu nune’e realiza jogu komunitáriu nivél suku.
Autoridade Postu Administrativu ne’e avalia, liu husi desportu komunitáriu bele promove juvetude sira nia talentu, hodi partisipa iha kompetisaun nivél Postu Administrativu to’o Nasionál.
“Ita aprezenta proposta orsamentu 6,000.00 MJDAK aprova mak 3,500,00 tamba osan mínimu, entaun ita loke jogu rua (fut sal mane, voliból feto) ho jogu rua selu maratona feto mane jogu tradisionál hana kalik, intensaun ita loke jogu komunitáriu ne’e atu selebra loron bo’ot 20 de maiu, jogu amizade liu apoiu orsamentu MJDAK ho intensaun ita hakarak joventude suku 13 partisipa hodi nune’e ita promove sira nia talentu hodi hetan kualidade talentu juvetude munisipiu Baucau partisipa iha kompetisaun Munisípál no nasionál,” dehan APA Baucau vila.
Enkuantu jogu komunitáriu ne’e kompostu husi modalidade futsál mane, volei ból feto, maratona feto no mane, futeból-11, inklui jogu tradisionál hana kalik.
Ekipa Kobertura : RCLM
