RCLM (09/05/2026)—Autoridade suku Buruma no suku Builai, Postu Administrativo Baucau Vila Munisipiu Baucau, Husu Ministeriu Juventude Arte no Kultura atu apoio Ekipamentus desportu nian no Hari’i Kampu Multifunsaun ida ba komunidade no joven sira.
Xefe Suku Buruma Liborio dos Santos Freitas hateten objetivo husu ekipamentus desportu no kampu multifunsaun nee, atu faselita komunidade liu liu joven sira oinsa atu aumenta sira nia talentu iha area desportu nian, tamba Jogadores sira bainhira partisipa iha eventu ruma sempre lakon ho suku seluk, enkuantu autoridade Suku rua ne’e garante bainhira iha Kampu multifunsaun sei kria lasu amizade, paz no estabilidade iha suku laran.
“Kampu foodball 11 ami presija tebes apoio husi Ministeriu Juventude Desportu tamba ida ne’e nesesidade duni ba ita nia joven sira, ita hakarak atu minimiza problema iha Suku no Postu, maibe aktividade la iha, antaun sira ida ne’e mak dala ruma kauza ida mosu problema entre joven sira iha suku suku, ami presija ekipamentus tamba suku la iha orsamentu espesifiku ba ida ne’e tamba ida ne’e mak hanesan ekipamanetus, faselidade baziku sira liga ba aktividade desportu jatamente ami presija”. Xefe Suku hato’o kestaun ne’e bainhira partisipa serimonia Abertura jogo komunitario Postu Administrativo Baucau Vila iha Kampu Batalaun Orden Publiku Vila Nova Baucau, atu komemora loron restaurasaun Indepedensia ba dala rua nolu resin hat, sesta feira semana ne’e (08/05/2026).
Entertantu Xefe suku Builai Juvinal Feliciano da Costa reforsa, bainhira iha terneu ruma joven sira presija treinu hafoin partisipa jogo sira, maibe dificil tebes atu treinu tamba kampu la iha.
“Hanesan suku foun ida ne’e ita presija duni (kampu) tamba desportu ne’e tuir ita lideransa komunitariu nia hare bainhira kuandu ita ona faselidade se ita loke torneu ruma entaun bele dezenvolve joventude sira nia talentu i iha parte ida fali mos bele minimiza problema sira, entaun ida ne’e hanesan lideransa suku foun ita presija tebes duni kampu multi fungsi ida ho kampu foodball 11 ninian no faselidade desportu sira”. Hateten Juvinal
Hatan ba preukupasaun ne’e, Pontu Fokal MJDAK Munisipiu Baucau Eligio Flasido Ramos rekonese, suku barak mak la iha kampu multifunsaun, maibe nia parte sujere ba Autoridade Suku sira hodi halo proposta ba iha Ministeriu Juventude Desportu Arte no kultura.
“Iha ne’eba ita hateten prontu ne’e depende ba proposta no pedidu sira iha Proposta kompozisaun sira tenke iha dezeinu istimasaun karta akompañamentu sira depois ita submete ba iha Ministeriu Juventude Arte kultura, primeiru ita tenke hare kampu iha suku balun ne’ebe mak iha kampu mak la uza ida ne’e mos kauza ida, maibe ida ne’ebe mak mais perioridade la iha duni mak ita bele halo pedidu se iha ona fatin seluk mak halo mos orsida sira sei halo avaliasaun”. Dehan Pontu Fokal Baucau
Tuir observasaun jornalista iha tereinu nota katak, kampu futsal iha Baucau Vila ne’ebe sempre loke torneu hamutuk hat no futeboll onze (11) hamutuk hat, inklui estadiu Tadeu Laika, enkuantu kampu multifunsaun iha suku sira kuaze maioria la iha.
Ekipa Kobertura : RCLM
