RCLM Baucau (29/04/2026)—Sekretáriu Estadu Profisionál Empregu (SEFOPE), konsidera traballadór Timoro’an iha rai li’ur nu’udar eroi, hodi apoia dezenvolvimentu ekonimia iha Timor-Leste.
Lia hirak ne’e hato’o husi Xefe Gabinete SEFOPE Jacinto Ribero Dias, iha salaun Apuramentu Autoridade Munispál Baucau kuarta-feira ne’e, hafoin reintegra traballador Baucau oan ne’ebe hetan oportunidade servisu iha Austrália, no fila hikas ona mai Nasaun Timor-Leste.
Xefe Gabinete SEFOPE afirma, Timoro’an ne’ebé hetan oportunidade kampu servisu sai eroi iha era ukun an, tamba sira iha ona ekonómia hodi kontribui no transforma dezenvolvimentu iha rai laran.
“Ita nia esperansa hotu-hotu ne’ebé hetan ona oportunidade, tenke forma iha oportunidade ne’e no halo buat ruma ba ita nia rai, intensaun mak ida ne’e,” dehan Jacinto.
Nia enkoraja, joven sira ne’ebé seidauk hetan oportunidade kontinua esforsu an hasa’e koiñesimentu ka skíl hodi kompete kampu servisu iha futuru.
“Ita nia alin sira seida’uk hetan oportunidade merkadu, presiza ita nia eskíl no alende komunikasaun,” Xefe gabinete SEFOPE fó hanoin.
Enkuantu tuir dadus ne’ebé RCLM asesu husi SEFOPE, Baucau-oan iha sistema baze dadus no dadaun ne’e servisu iha Austrália hamutuk 532, kompostu mane 368 no feto 163, kandidatu traballadór iha sistema baze dadus (hein oportunidade) bá servisu Austrália hamutuk 1830 kompostu mane 1.097 no feto 733.
Ekipa Kobertura : RCLM
