RCLM Baucau (29/04/2026)—Sekretáriu Estadu Formasaun no Empregu (SEFOPE) hala’o semináriu reintegrasaun bá traballadór Baucau-o’an ne’ebé hetan oportunidade serbisu, iha Austrália bá família tamba, fila hikas ona mai nasaun Timor-Leste.
Xefe Gabinete SEFOPE Jacinto Ribeiro Dias esplika, kada tinan SEFOPE hala’o semináriu reintegrasaun traballadór Austrália sira kada Munusipiu iha teritóriu nasionál, ho intensaun atu deskobre mudansa ka susesu kada traballador nian, hodi suporta família hadi’a infraestrutura uma inklui halo atividade negosiu no planu futuru kada traballadór, bainhira nafatin hetan oportunidade servisu iha Austrália.
SEFOPE avalia, traballadór sira 75% susesu tamba, halo mudansa ba sira nia moris no família, enkuantu 25% seid’auk halo mudansa tamba serbisu iha rai li’ur foin fulan neen seida’uk to’o tinan.
“Iha susesu pozitivu hanesan iha Baucau señor naran João halo susesu barak kuda fehuk-midar, halo taho no tempe, iha Munisipiu Viqueque ita nia traballadór feto ida transforma bee Loi-hunu sai aqua, iha Munisipiu seluk ita hetan rezultadu,” dehan Xefe Gabinete SEFOPE ba Jornalista sira iha Salaun Apuramentu vila Nova Baucau kuarta ne’e.
Traballadór Austrália husi Munisipiu Baucau Atanazio José Cabral apresia programa SEFOPE tamba, organiza semináriu hodi partilla informasaun relasiona planu futuru hodi kontribui hadi’a moris família.
“Husi semináriu sira ne’e bele motiva ona ami no koiñesimentu sira kona-ba planu negosiu saida mak ami atu halo tamba ne’e ami agradese tebes ba SEFOPE organiza semináriu,” dehan reprezentante Traballadór Austrália husi Munisipiu Baucau.
Atanasio mos konta, durante halo servisu iha rai liu’r hetan osan apoiu nesesidade família no estudu iha nivel Ensinu Superior, alende ne’e investimentu hakiak manu nomos planeia halo konstrusaun uma no esinkubasaun manu-tolun hodi responde ba merenda eskolar.
Enkuantu, Munisipiu Baucau dadus traballadór benifisiariu programa (PALM) hamutuk 324, kompostu mane 202 no feto 122 mak SEFOPE reintegra ba família.
Ekipa Kobertura : RCLM
