RCLM Baucau (28/04/2026)—Ministériu Kordenador bá Asuntu Ekonomiku (MKAE), liu hosi Unidade Estratéziku Integradu Ekonómia halo divulgasaun informasaun kona-ba pos Adezaun Timor-Leste ba Organizasaun Mundiál Komsersiu (OMK), iha Sentru konvensoens Baucau (CCB sígla portugés) ho tema” Ita nia lian, ita nia futuru”.
Asesor Ekonomia no Kordenador Unidade Estratéziku Integrasaun Ekonomia husi MKAE, Leonito Soares de Jesus hateten, komprimisiu Timor-Leste adezaun sai membru ba organizasaun mundiál Komsersiu (OMK), iha loron 30 fulan agosto tinan 2024 to’o 2030 no iha periodu tinan neen Timor-Leste presiza kumpri komprimisiu 21, maibe atuál governu no parlamentu foin aprova legislasaun no komprimisiu hamutuk 4 hanesan lei kompetisaun, produsaun exportasaun no insolvensia, enkuantu 17 sei aprova iha periodu tuir mai.
Nia afirma, objetivu husi divulgasaun ne’e atu hasa’e koiñesementu partispante sira kona-ba komprimisiu Timor-Leste sai membru OMK, no enkoraja setór privadu sira iha Munisipiu Baucau atu ativu hasa’e kresementu ekonomia, hodi kontribui ba kompetisaun merkadu nasionál no merkadu internasionál, husi membru organizasaun mundial komersiu.
“pontu importante iha (divulgasaun) ne’e oinsá Xefe Aldeia to’o Autoridade Munisipiu bele hatene ita nia adezaun ba Organizasaun Mundiál Komersiu (OMK), no bele hatene vantajem saida mak organizasaun ne’e fó mai ita no saida mak ita bele halo hodi maximiza benifisiu ne’ebé (OMK) fó mai, ita hanesan nasaun menus dezenvolvidu sei iha dejafius maibe lasai bareira atu ita labele la’o, husi dejafius sira ne’e fó mai ita oportunidade oinsá hadi’a di’ak liu tan hodi aproveita benifisiu sira OMK fó ba ita,” dehan Leonito iha CCB vila Antiga Baucau tersa ne’e.
Prezidente Assosiasaun Mulleres Timor-Leste (AMTL) iha Munisipiu Baucau, Ana da Conseição Ribeiro kompromete ho membru sira iha komitmentu halo produsaun kuantidade as no kualidade, hodi kompete Markdu Nasionál no Internsionál liu husi Organizasaun Mundiál Komersiál.
“Ita atu halo kompetisaun ita halo uluk preparasaun produtu sira ne’ebé iha oinsá halo diverfikasaun kona-ba nia kualidade, kuantidade iha fatin ita prodúz atu exporta mibe ita hare uluk lai rai laran hodi responde ba komunidade nia nesesidade iha Munisipiu, pois hare ba fatin seluk,” hateten Prezidente AMTL Munisipiu Baucau.
Enkuantu, atividade divigulasaun kona-ba pos Adezaun Timor-Leste ba Organizasaun Mundiál Komsersiu (OMK) iha Baucau husi dader to’o meudia, no partisipa husi Estudante ensiñu báziku, ensiñu sekundária, ensiñu superior, setór privadu, sosiedade sivil, xefe aldeia, xefe suku, administrador inklui diretór no xefe departamentu husi lina Ministerial.
Ekipa Kobertura : RCLM
