RCLM Baucau (17/03/2026)—Relasiona ho rehabilitasaun estrada urbana Munisipiu Baucau, ekipa tekniku husi Ministeriu Obras Publika halo identifikasaun ba uma privadu, instituisaun publiku, moru, kanu BTL, poste elterisidade ne’ebe afeita ba kontrusaun estrada pakote primeiru no segundu.
Tekniku Resentamentu Ministeriu Obras Publiku Julio de Oliveira hateten, Ekipa Tekniku sira halo ona identifikasaun ba afeitadu sira hamutuk rua nolu resin hat husi pakote primeiru, no pakote segundu hamutuk sanolu resin rua, iha ne’ebe afeitadu sira kopera hodi bele sobu uma no moru sira bainhira govenu halo dezenvolvimentu liu-liu ba rehabilitasaun estrada urbana.
Husu ba komunidade sira atu apoio no kopera hodi labele halo impedementu, atu nune’e Governu bele aselera lalais projetu rehabilitasaun estrada urbana Munisipiu Baucau.
“Ekipa nia presensa ne’e atu identifika afetadu sira ne’ebe afeita, hodi ita identifika maka liga ba uma, dadaun ne’e provisoriu husi Star pakote um (1), Nagarjo to’o mai iha Horex Baucau ne’e iha numeru ne’e iha vinte quatru (24) provizoriu, ita kontinua ba atividade ohin loron nian maka afetadu lubuk mak ita identifika ona, maibe ita seidauk bele fó dadus tamba faze atividade sei la’o hela, oras ne’e identifika sei la’o nafatin” Dehan Julio ba jornalista sira foin lais ne’e.
Maneger kompaña Vagel Amilcar Venebides, agradese tebes ba ekipa Ministeriu Obras Publika hodi bele solusiona problema social, atu nune’e prosesu rehabilitasan ne’e la’o ho diak.
“Ida ne’e maka ami nia esperansa katak, ami labele la’o mesak, sira nia presensa ami hein tebes para nune’e problema ne’ebé trenu ne’e ami ho estadu bele hamutuk solusiona, problema sosial sira ita bele solusiona hetan solusaun ruma para servisu ne’e ba oin ne’e ita bele la’o, ami nia esperansa maka ne’e husu ba komunidade atu kopera atu nune’e ita bele halo konstrusaun ne’e diak ba mos ita nia rai” Hatete Amilcar
Tuir observasaun jornalista iha tereinu tota katak, prosesu rehabilitasaun estrada urbana pakote primeiru dadaun ne’e loke luan ona, hahu husi Nagarjo to’o mai iha Planaltu, enkuatu pakote segundu hahu husi routunda to’o ona iha area Benfica vila Nova Baucau.
EKipa Kobertura : RCLM
