RCLM Baucau (25-10-2025)—Padre Adérito Victor da Costa hateten, Timor-Leste Adere ona ba asean tamba ne’e presiza investe Setor Edukasaun hodi produz matenek barak, atu labele dependente liu ba membru nasaun azean sira seluk.
Nia afirma, Setor Edukasaun nu’udar vertente, boot maibé bainhira Edukasaun la forte sai dejafius boot ba Timoro’an.
“Ita hamutuk ho nasaun sira seluk viziiñus iha ita nia lideransa hare ita mós bele, ita kopia labuat ida maibe ita mos tenke prodúz matenek rai Timor nia oan sira atu produz ninian mesak,” Padre Adérito hateten Bainhira prezide misa agradesementu selebrasaun Adezaun Timor-Leste sai membru permanente ASEAN ne’ebé hala’o Igreja Katedral Dioseze Baucau sabadu fim de semana.
Tempu hanesan, Prezidente Komisaun Organizadór Dias Nasionais husi Autoridade Munisípál Baucau Eduardo Filipe Ximenes dehan, Timor-Leste sai membru permanente Asean nasaun bele mai Timor-Leste, tamba ne’e tenke halo preparasaun másimu
“Ita Timor hanesan oan agradese maibé ita mos tenke prepara an tamba ita sai ona membru Asean rezolusaun lubuk ida ita nia Parlamentu ratifika nune’e mos husi konsellu Ministru ita Timor nakloke ba membru Asean nasaun 10 sira mai mos ita hahú husi kliner mos sira bele mai, tamba ne’e ita tenke prepara an atu simu sira no sira mos bele simu ita ba, tamba ne’e hanesan Timor-oan no Baucau-oan halo refresaun saida mak ita bele no saida mak ita labele,” hateten Atuál Sekretáriu Planeamentu Dezenvolvimentu Integradu Munisípiu Baucau.
Asosiasaun Nasaun Sudueste Aziátiku (ASEAN) hari’i loron 08 fulan Agostu tinan 1967, iha membru permanente nasaun hamutuk sanolu(10) hanesan Kambodia, Indonésia, Laos, Vietname, Brunei Darussalam, Singapura, Myanmar, Filipina no Tailándia maibé iha loron 26 outubro tinan 2025 durante simeira ASEAN ba dala-47 iha kuala Lumpur Malázia ofisializa tan Timor-Leste nu’udar membru ASEAN ba dala-11.
Ekipa Kobertura : RCLM
