RCLM Baucau (21/01/2025)—Diretor Sekretariadu Tekniku Adminstrasaun Eleitoral Munisipiu Baucau Natividade Freitas Guterres informa, hahu husi fulan janeiru to’o mai iha fulan Dezembru Tinan 2025, STAE Baucau Introdus ona karataun Biometriku hamutuk rihun 17.536 ba elitores sira.
“Ita fo atendimentu husi janeiro to’o mai iha dezembru loron 23 total rejultadu mak ba eleitor foun mane hamutuk 597 ba feto 1.671, enkuatu total atualiza ba mane 15.173 no feto 17.536 ne’ebe total biometriku ba 2025 mak hamutuk 35.977 eleitores ne’ebe mai trata kartaun biometriku no tatal pursetu Baucau nian ate a data atinji ona 34,43 pursentu “. Dehan Diretur STAE Baucau Natividade Freitas Guterres ba jornalista RCLM Baucau iha nia edifisiu quarta, 21/01/2026
Natividade hatutan STAE Baucau mos halo atendimentu iha kada Postu Administrativo, ho objetivo atu halo atendimentu besik ba komunidade sira liu liu fo perioridade ba ema ho defisiensia no ferik katuas sira.
“Tinan 2025 ita movel ba kada Postu halo atendimentu loron sanolu iha ne’eba fo perioridade ba ema ho defisiensia no mos ba terseira idade atu nune’e bele utuliza ba nesesidade terseira idade nian no mos defisiensia nian, enkuantu atendimentu iha Munisipiu la fo prioridade ba ema ida halo atendimentu jeral elitores hotu hotu maibe tuir lei fo prioridade ba ema ho difisiensia no idozus sira”. Tenik Diretur STAE
Diretur STAE Baucau ne’e sublina kada loron STAE Baucau halo atendimentu ba elitores liu atus ida.
“Agora dadauk ita halo atendimentu kada loron ida bele to’o sem ital konforme eleitores ne’ebe mak mai foin dadauk ita tama fali iha dia 16 ne’e, ita atende loron ida to’o besik 200 tamba eleitores barak momentu ne’eba ami tenke ativo hotu lab 2 atu nune’e halo atendimentu lalais”. Dehan Natividade
Iha tinan 2025 difikuldade ne’ebe mak STAE Baucau hasoru mak failansu iha sistema, maibe konsenge tekniku sira rezolve hodi halo atendimentu ba eleitores sira.
“Difikuldade ne’ebe mak uluk ami hasoru mak sistema aprova mak kleur dala ruma to’o fulan mak foin aprova mais graças adeus foin dadauk iha fulan outubru nia laran konsege rezolve ona liu deit oras tolu ou hat bele aprova ona, entaun ema bele simu kedas sira eleitoral original”. Hateten diretur STAE
Natividade Freitas Husu ba komunidade sira hakbesik an ba sentru atendementu hodi aktualiza kartaun eletoral biometriku, maibe tenke lori Mak hanesan sertidaun RDTL, BI no Pasaporte, Enkuantu tuir planu aktividade movel ba kada Postu Administrativo sei hala’o iha fulan maio tinan 2026.
Ekipa Kobertura : RCLM
