SEATOU Sensibiliza Dekretu Lei Organiza Sidade Urbana Iha Baucau

‎RCLM Baucau (21-07-2025)—Sekretariu Estadu Asuntu Toponímia no Organizasaun (SEATOU) hala’o sensibilizasaun dekretu lei lima kona ba organiza sidade urbana teritoriu nasionál iha Munisípiu Baucau.

‎Diretor Nasionál  Hijene Ordem Publiku husi SEATOU Egas José Caitano  esplika, dekretu lei lima senbiliza ba autoridade no empreza sira iha Baucau mak primeiru dekretu lei numeru 33/2008, ne’ebé halo ona primeiru altersaun, ba numeru 03/2024 kona ba hijene ordem publika, segundu dekretu lei numeru 51/2016 ne’ebe altera ona ba dekretu lei numeru 31/2017 kona ba lisensiamentu publisidade, terseiru dekretu lei numeru 29/2017 kona ba rejime jurdiku toponomia numerasaun  uma, kuartu dekretu lei  numeru 2/2017 kona ba rejidus solidu urbanas ka jestaun lixu urbana no dalima dekretu lei numeru  3/2017 kona ba estasionamentu limitada transporte.

‎Diretor Nasionál  Hijene Ordem Publiku afirma, sosializaun ne’e atu aumenta koñesementu  entidade hotu Autoridade Munisipiu  Baucau, nune’e implementa atu regulariza komunidade  no organiza sidade urbana .

‎”Vantajem husi dekretu lei sira ne’e hodi ajuda Munisipiu no Autoridade sira, utiliza organiza sidade urbana atu regulariza komunidade, ezemplu dekretu lei 33 bandu komunidade fa’an sasan iha trotoar leten, no bandu komunidade kesi animal hakial iha sidade urbana, bandu mos komunidade soe lixu arbiru,” Diretor Nasionál  Hijene Ordem Publiku husi SEATOU hateten ba Jornalista iha Salaun apurametu Munisipiu Baucau kinta (17-07-2025).

‎Sekretariu Munisipal Asuntu Planeamentu Dezenvolvimentu Integradu Baucau Eduardo Filipe Ximenes konsidera, senbilizasaun dekretu lei hodi organiza sidade urbana importante tebes ba autoridade Baucau no entidades hotu bele intende  hodi  implementa nune’e regulariza komunidade.

‎”Medida importante sira ordenamentu sidade sira husi dekretu lei ne’ebé ohin ekipa SEATOU ba ita nia emar sira Baucau ne’e importante tebes, para sira intende lei sira ne’e hala’o tuir, liu-liu sira hela sidade urbana,” Sekretariu PIDI.

‎Enkuantu sensbilizasaun ne’e  hola parte husi diretor, xefe departamentu linas ministerial no delegasaun territorial, xefe suku balun iha Baucau vila inklui mos emprezariu sira.

Ekipa Kobertura RCLM

‎

‎

‎