RCLM Baucau (15/07/2025) – Komandante PNTL Munisipiu Baucau, Superintendente João Sancho Pires hateten, iha loron 10 fulan jullu tinan ne’e Komandu PNTL Munisipiu Baucau, liu husi Seksaun Investigasaun Kriminal, hamutuk seksaun Informasaun, Prende Ai Kameli hamutuk Atus Rua resin iha sidadaun ho inisial ZMB nia rezidensia, Suku Triloka Postu Administrativo Baucau Vila Munisipiu Baucau.Komandante hatutan, Sidadaun ZMB subar Ai kameli durante tinan rua nolu ona iha nia rezidensia, hahu iha tinan 2005 to’o agora, enkauntu iha prosesu investigasaun Suspeitu ZMB deklara an katak, ai kameli ne’e taa iha nia toos laran inklui foti iha fatin seluk.
“Iha dia 10 lokraik ita hetan informador balun mai iha komando dehan detekta ai-kameli balun iha triloka ne’ebe ita orienta kedas ita nia investigasaun ba kedas iha fatin hodi lori kedas sasan ne’ebe mak durante ne’e nia tau iha ninia uma, tuir informasaun katak nia taa aikameli ne’e iha nia toos laran ke balun foti seluk hela, maibe tuir lei Floresta ninian ita tenki asegura sasan ne hodi prosesa tuir Lei ne’ebe mak iha”. Dehan Komandante PNTL Munisipiu Baucau João Sancho Pires ba jornalista sira Segunda,14/07/2025
João Sancho afirma, husu ba sidadaun hotu atu proteje ai-kameli iha Timor Leste, no husu mos atu hapara tesi ai kameli illegal.“Bazeia ba ninia esplikasaun ne’ebe mak iha ai-kameli ne’e taa hahu husi 2005 to’o agora, i nia tenta atu lori sai maibe nia la hatene entaun nia rai deit iha nia uma to’o ikus ita nia informador detekta ita foti tiha tamba ne’e mak husu ba se deit, buat ne’e lei bandu hela atu labele estraga aikameli maibe se mak obriga nia an, nia sei hasoru lei bainhira detekta”. Dehan João Sancho
Depois remata investigasaun, parte Komando Munisipiu Baucau rejistu ona iha Ministeriu Publiku, ho numeru NUK. 0054/25/BCSIC, tamba ZMB komete atrigu 217 kodigu penal Timor Leste, kona ba Flora Fauna.
Komando mos aplika termu identidade rezidensia ba ZMB, hodi hein prosesu tuir mai, enkuantu evidensia Ai Kameli dadaun ne’e, asegura hela iha Komando PNTL munisipiu Baucau.
Ekipa Kobertura : RCLM Baucau
