RCLM Baucau (06/12/2025)—Prezidente Autoridade Munisipiu Baucau Veneranda Lemos Hateten, nonu Governu konstituisional nia espektativa atu halo lansamentu fatuk dahuluk ba reabilitasaun Estrada Baucau Vila iha Meadu fulan Novembru, maibe lakonsege realiza tamba okupadu ba Diskusaun ba orsamentu jeral do estadu tinan rihun rua rua nolu resin neen (2026) no inklui preparasuan ba Komemorasaun loron Proklamasaun independensia tinan rihun rua rua nolu resin lima (2025).
Veneranda hatutan parte Autoridade Munisipiu Baucau Garante governu sei halo lansamentu ba estrada Urbana iha tinan ne’e.
“Iha Baucau ita hanoin katak lansa iha Novembru diskusaun Orsamentu Jeral Estadu 2026 no mos selebrasaun ba proklamasaun independensia 28 novembru ida ne’e mak hodi halo governu sentral la iha posisbilidade atu fahe tempu hodi halo lansamentu ida ne’e, maibe hanesan autoridade hau iha esperansa katak lansamentu ida ne’e sei akontese iha tinan ida ne’e duni, iha tinan ida ne’e sei iha fulan ida deit ne’ebe ita hotu-hotu nia esperansa”. Dehan PAM Baucau ba jornalista sira iha CCB quinta, 03/12/2025
Entertantu tuir observasaun Jornalista iha tereinu nota katak, kondisaun estrada iha Baucau Vila kuaze maioria kondisaun aat ona, enkuantu estrada Baucau Vila ne’ebe atu halo reabilitasaun hamutuk kilometru rua nolu resin tolu.
Ekipa Kobertura : RCLM
