RCLM Baucau (16/01/2026)—Negosiante sira ne’ebe faan obralan no sapatu iha merkadu foun Tuanau Munisipiu Baucau sente triste tebes, tamba la hetan rendimentu kada loron alende kinta no Domingu.
Negosiante Luis da Silva Ximenes hateten, depois de Autoridade Munisipiu Baucau muda tiha merkadu tuan vila nova ba iha merkadun foun maibe dadaun ne’e, vendedores barak mak taka ona sira nia negosiu no balun muda sai ona iha merkadu foun tamba la iha kompradores
Nia hatutan rendimentu ne’ebe hetan iha tempu merkadu Kinta no domingu depende ba sorte, kada loron hetan deit dolar lima to’o dolares sanolu amerikanu, iha ne’ebe labele auguenta ba mesesidade uma laran.
“Tamba segunda, tersa, kuarta, sesta no sabadu kuaze ema la iha maluk sira iha dalan ne’eba mak ema la’o tun la’o sa’e pelumenus sira loke, maibe ami iha kotuk ne’e so mai iha kinta ho domingu deit depende ba sorti deit se sorti diak hetan 10 dolar se la’e balun bele fila, maibe tamba deit uma nee halo ami nia osan rasik, sasan ne’ebe mak monta iha ne’e gasta modal, antaum ami nia servisu seluk mos la iha entaun kinta domingu ne’e mai duni loke netik ema sosa la sosa ne’e mak mai nia servisu mak, rendimentu ne’ebe mak ami hetan ne’e sente triste, maibe atu oinsa sira duni ami mai iha moru laran ida ne’e maibe la iha buat ida hakarak ga lakohi dezenvolvimentu ne’e tenke la’o ba oin”. Dehan negosiante Ba jornalista RCLM Baucau Quita, 15/01/2026
Entertantu negosiante Julio Candido Correia reforsa tan katak, durante ne’e menus kompradores sira halo rendimentu menus tebes kompara iha merkadu tuan vila nova Baucau, alende ida ne’e iha tempu kalan ema deskonesidu kontinua na’ok ami nia sasan tamba ne’e husu ba autoridade munisipiu Baucau atu monta Seguransa iha tempu kalan.
“Ami faan OB selama husi ne’eba pinda mai iha ne’e sasan sira ne’e faan ema la sosa depois ami iha ne’e na’okten mos barak liu, na’ok hotu ami nia roupa, kalen, besi, ai, tamba sekuriti la iha kada loron ami hetan rendimentu depende ema mai sosa dala ruma loron bai-bain ema la iha liu so kinta ho domingu”.
Tuir observasaun jornalista iha tereinu nota katak iha tempu merkadu kinta no domingu Sempre mosu engrafamentu tamba la iha estasionamentu iha merkadu foun Tuanau Baucau.
EKipa Kobertura : RCLM
