RCLM Baucau (19-12-2025)—Ministeriu Edukasaun fo orientasaun ba Servisu Munisipal Edukasaun Baucau, hodi relata ba eskola sekundaria filial tolu iha Munisipiu Baucau atu lebele simu estudante foun tinan 2026 tamba deskofia la liu iha avaliasaun.
Diretor Servisu Edukasaun Munisipal Baucau Afonso dos Santos da Costa hateten, orientasaun husi Ministeriu Edukasaun ba eskola tolu atu labele simu tan estudante foun mak hanesan eskola sekundaria Filiál Kilik Wai-Ga’e, eskola sekundaria jerál filiál Seiçal iha Postu Administrativu Baucau vila no eskola sekundaria jerál filiál Baucau Lavateri iha postu Baguia.
Dirijente edukasaun Baucau afirma, Ministeriu Edukasaun fó orientasaun ne’e tamba eskola tolu referida laliu avaliasaun iha tinan ida ne’e.
“Eskola sekundaria tolu ne’e seidauk iha imformasaun detalladu maibe orientasaun de’it karta seidauk fó mai maibe tuir avaliasaun husi eskola sekundaria ne’e publika ona liu husi Jornal da Republika katak eskola tolu ne’e la liu avaliasaun ba tinan ida ne’e (2025), entaun sira labele simu estudante foun tinan 2026, ida lapriense kriteriu menus estudante,” informa Diretor Servisu Edukasaun Munisipal Baucau ba jornalista sira iha salaun EBC vila nova kuarta ne’e hafoin distribui envelope valor ezame nasionál nivel Munisipal Baucau.
Diretor Eskola sekundaria jerál filiál Kilik Wai-Ga’e Martinho de Oliveira hateten, orientasaun Ministeriu Edukasaun atu labele simu estutante foun tenke bazeia karta despaixu legal no fulan ida ne’e parte eskola hetan ona, maibe laiha sei kontinua simu estudante foun.
“Maske sira fo orientasaun atu labele simu tan foun, maibe ami mos ejize ba sira tenke bazeia ba karta despaixu ruma, maibe ko’alia de’it ami kontinua la’o simu estudante foun,” dehan Diretór ESJ Filiál Kilik Waigae-Gae.
Entertantu Eskola Filiál Kilik Wai-Ga’e rejista estudante atus ida neen nolu, ne’ebé pasa primeiru anu ba segundu anu no segundu anu pasa bá terseiru anu, profesores permanente sanolu resin neen.
Ekipa kobertura : RCLM
