RCLM (10/02/2026)—Iha loron 9 fulan fevereiru tinan ne’e, Stock Ribon no Transferesnia filem hotu, iha Sekretariadu Tekniku Administrasaun Eleitoral Munisipiu Baucau, hodi difikulta imprime kartaun eletoral Biometriku ba sidadaun sira.
Diretur STAE Baucau Natividade Freitas hateten, maske material Ribon ho trasferensia filem stock hotu, maibe atendimentu ba elitores sira kontinua la’o hanesan baibain, maske seidauk impime kartaun elitoral original, maibe depois Ribon no filem tama fila fali, sei imprime eleitoral orijinal hodi faselita ba komunidade sira.
Entertantu Parte STAE halo ona pedidu ba Dirasaun Nasional, hodi bele solusiona problema ne’ebe STAE infrenta dadaun ne’e.
“Sistema atendimentu kartaun elitoral ba sistema biometriku ne’e laos lalao, maibe ita nia Stock Ribon no filem ne’e mak hotu, entaun ita relata ona ba Nasional nune’e ita sei hein prosesu ne’e para sira bele haruka fali material sira ne’e mai no wainhira material sira ne’e mai ona mak ita foin fo hatene fila fali ita nia komunidade sira atu bele mai simu sira nia kartaun eleitoral, atendimentu sei la’o ne’e tamba maske laos imprime maibe ita halo atrndimentu hatama sira nia dadus ne’e ba iha sistema, atu nunee prosesu bele la’o nafatin maibe atu simu kartaun ne’e wainhira ami fo fali avizu bele mai fali tamba ita sei hein hela material husi Nasional atu haruka mai” dehan Diretur STAE Baucau Natividade Freitas.
Diretur STAE Baucau hatutan, relasiona ho ribon no filem ne’ebe la iha, sei difikulta ba elitores sira tamba, instituisaun sira hanesan banku no estudante sira barak mak sei uza ba registrasaun eskola nian.
“Ida ne’e automatikamentu difikulta ita nia elitores sira hanesan ita hatene katak kartaun elitoral ne’’e tuir lolos ninia funsaun nee atu halo ba asuntu elisaun, maibe komu kartaun elitoral ami nia mak iha uluk entaun instituisaun sira ne’e abitua ona uza kartaun eleitoral ne’e sai rekezitus ida para halo trata dokumentus, entaun no banku sira eskola sira barak mak uza ita nia dokumentus ne’e sai rekejitus ida maibe uza deit ba elisaun deit karik ladun difikulta, tamba elisaun sei dook tuir lolos dokumentus ne’ebe legal ne’e BI ho RDTL sira ne’e, maibe tamba ita nia instituisaun sira ne’e abitua ona, entaun ida ne’e mak difikulta ita nia elitores sira”.
Iha fulan outubru tinan 2024 to’o agora, STAE Baucau produs ona elitoral ba sistema Biomentriku hamutuk, rihun hat nolu atus rua resin ba sidadaun sira iha Munisipiu Baucau.
Ekipa Kobertura : RCLM
