RCLM Baucau (01/04/2026)—Komunidade Aldeia Lawaliu Suku Baguia oferese rai hektares rua iha area aibubur laran ba nonu governu konstitusional, hodi konstrui merkadu foun iha Postu Administrativo Quelicai Munisipiu Baucau.
Administrador Postu Administrativo Quelicai Paulo Jacinto Moreira hateten, tinan ida ne’e postu administratuvo Quelicai simu ona lista husi Ministeriu Obras Publika katak, tempu besik sei halo konstrusaun merkadu foun, tamba merkadu ne’ebe tuan negosiante sira okupa fali dalan publiku hodi halo negosiu.
Nia hatutan hanesan Autoridade Postu enkontru extraordinariu husi ASPA, ita desidi katak halo konsultasaun ba komunidade ne’ebe maka voluntariamente entrega rai atu halo kontrusaun merkadu iha Postu Quelicai.
“Agradese wain ba Xefe Suku Baguia ho ninia komunidade entrega rai dois hektares atu halo konstrusaun merkadu foun iha area ai-bubur laran Lawaliu Quelicai”. Dehan APA Quelicai Quarta, 01/04/2026.
Paulo informa dadaun ne’e negosiante sira kontinua halo negosiu iha merkadu tuan, iha tempu bazar Kuarta no sabadu.
“Provizoriamente sira nafatin iha merkadu tuan bainhira ke ita atu muda negosiante sira presija ita kria kondisaun ba negosiante sira se seidauk iha sira nafatin iha ne’eba “.
Total negosiante iha Merkadu Quelicai hamutuk 284 kompostu husi Sembako, Obralan, produtu lokal, faan naan no ikan.
Ekipa Kobertura : RCLM
