RCLM Baucau (20/02/2026)—Komando PNTL Munisipiu Baucau Liu husi Seksaun Tranzitu halo Auto stop ba Transporte Publiku no Privadu, konsegue prende Motorizada 27 inklui kareta ida, tamba la iha karta kondusaun balun la iha dokumentus legal no balun espesaun mate, alende ida ne’e seksaun tranzitu mos prende dokumentus Motor no kareta nian hamutuk 54, tamba la lori dokumentus Orijinal hanesan STNK no seluk tan.
Komandante PNTL Munisipiu Baucau superintendente João Sancho Pires hateten, Komando orienta ba seksaun tranzitu no policia eskuadra sira, hodi halo auto Stop no swiping kada loron ba trasporte Publiku no privadu, tamba ne’e motorista sira ne’ebe mak kontra lei kodigi estrda, parte komandu kontinua aplika koima ba sira hodi hatama reseitas ba kofre estadu.
Komandante PNTL Munisipiu Baucau husu ba sidadaun sira, bainhira halo movimentu tenke lori dokumentus original, inklui Karta kondusaun atu nunee labele hetan multa.
“Halo cek point pelumenus semana ida halo dala rua dala tolu, swiping ne’e ita halo loro loron atu nune’e ema bele respeita lei kodigu estrada”. Dehan Komandante PNTL Munisipiu Baucau superintendente João Sancho Pires ba jornalista sira iha Nia knar fatin sesta, 20/02/2026
Diretur Servisu Munisipal Edukasaun Baucau Afonso dos Santos da Costa hateten, apoio tebes ba PNTL hodi halo cek point ba kada eskola sira, tamba estudante barak idade seida’uk to’o maibe utuliza ona motor no kareta.
“Ha’u apoio PNTL sira halo cek point ba estudante ne’e diak, atu nune’e sira ne’ebe idade seidauk to’o 17 anos lalika lori motor no kareta, tamba ne’e husu inan aman sira wainhira oan sira idade seidauk to’o keta sosa motor no kareta ba sira”. Haktuir Afonso
Tuir observasaun jornalista iha tereinu nota katak, motorizada sira ne’ebe mak policia Seksaun Tranzitu prende dadaun ne’e asegura hela iha komandu PNTL, bainhira sidadaun sira selu ona iha Banku hafoin foti fila fali sira nia motor no kareta.
Ekipa Kobertura : RCLM
