RCLM Baucau (02/04/2026)—Selebrasaun misa Kinta-feira Santa periodu Paskal, nakonu ho devosaun Jesus saran nia an hodi reflete ba sarani sira hatene kona ba Jesus nia hahalok sira, ne’ebe halo ba eskolante sira hodi moris tuir.
Iha homilia Padre Paroku Sagrada Korasaun de Jesus Vila nova Baucau Bernardo Manuel Luis da Silva haktuir, misa Kinta-feira Santa ko’alia kona ba oinsá Maromak liberta povu egiptu husi terus no susar, liu liu fó salvasaun ba sira liu husi kose ninia ran ba odamatan, nune’e mós Jesus fo nia isin no ran mai Ita atu han, tamba ne’e selebra eukaristia kalan kinta-feira Santa.
Nia dehan selebrasaun Jesus han ikus hamutuk ho nia Eskolante sira, hodi husik hela ba sira Eukaristia atu sira halo tuir.
“Iha inisiu tempu paskal ida ne’e (kinta feira santa) introduz mai Ita konba ba misteriu domin nian ne’ebe nakfilak an tiha ka servisu bainhira Ita tama ba loron santu ida Ne’e uma kreda konvida Ita hotu atu komtempla kona ba jesus halibur malu hamutuk ho nia eskolante Sira hotu, hodi han kalan ikus nian hodi hari Hela Eukaristia hodi husik Hela mai ukun fuan domin nian entre Ita ho maun alin Sira seluk, ne’ebe la’o buras to’o ohin loron,” haklaken Padre Paroku, Parokia vila Nova Baucau.
Padre Bernardo haklaken, iha evanjellu misa Kinta-feira Santa la toka kona ba Jesus nia futar isin no ran, maibe toka Liu oinsa Jesus haraik an.
“Ohin rona evanjellu ne’e sira sei han hela, diabu tama iha Judas Eskariotes atu nia bele fan nia mestre, depois Jesus la aprezenta ba sira kona ba nia isin no ran, maibe nia hasai nia ulun foti ho hena naruk kesi nia knotak hodi tun fase apostulu sira nia ain, ne’e katak nia haraik an,” nia tenik.
Entretantu selebrasaun misa Kinta-feira Santa iha Igreja Parókia Vila Nova Baucau, hetan partisipasaun másimu husi sarani sira no hetan seguransa husi guarda eskuteru Igreja no Polísia Nasionál Timor-Leste iha Munisípiu Baucau. Hafoin misa remata iha parte kalan sarani kontinua ho adorasaun santisimo.
Ekipa Kobertura : RCLM
