RCLM Baucau (23/02/2026)—Relasiona udan no anin bo’ot ne’ebe akontese iha loron 22 fulan fevereiru tinan ne’e mais ou menus tuku tolu madruga, akontese dezastre natural ai-samatuku tohar, estragus uma ida iha area Uaule Suku suku Lacoliu, Postu Administrativo Quelicai Munisipiu Baucau.
Xefe suku Lacoliu Tito Joaquin de Jusus Pires hateten, relasiona ho akontesementu ne’e parte autoridade halo ona levantamentu hodi relata ba Autoridade Postu Administrativo no Autroidade Protesaun Sivil, hodi bele apoio emergensia ba vitima sira.
“Akontesementu dezastre naturais ne’ebe akontese hodi kalan mais ou menus tuku tolu madruga ai-samatuku monu hanehan uma hela fatin, rejulta estragus total inklui sasan iha uma laran kauza husi udan no anin bo’ot, kestaun ne’e ami relata dadus ona ba Postu no APC, hodi hein apoio emergensia”. Dehan Xefe Suku Lacoliu Tito Pires ba jornalista RCLM Segunda, 23/02/2024
Komandante Operasaun Protesaun Civil Munisipiu Baucau, Fransisco Viana Freitas hateten, relasiona udan no anin bo’ot ne’ebe akontese iha loron 22 fulan fevereiru tinan ne’e, rejulta uma ida hetan estragus total kauza husu rai halai, iha suku Guruça no uma ida hetan estragus husi ai-samatuku monu hanehan iha Suku Lacoliu Postu Administrativo Quelicai, no uma ida hetan estragus husi rai halai iha suku Hae-coni Postu Administratuvo Baguia Munisipiu Baucau.
“Ho iklima ida horseik udan no anin konsegue iha Quelikai Lacoliu ai-tohar hanehan komunidade nia uma, ohin media tiha mak ami simu informasaun i ami koloka ami nia bombeirus ba para hodi netraliza ai sira ne’e, para halot tiha para komunidade sira bele hasai sira nia sasan iha uma laran, iha Guruça rai halai, impaktu husi udan no anin afeita ba uma ida mak hetan estragus ne’e iha dia 22 aumezmu tempu iha Baguia Hae-coni mos akontese iha dia 21 rai halai afeita mos komunidade nia uma ida hetan estragus, aban ami sei ba apoio emergensia ba vitima sira”. Hateten Komandante Operasaun Protesaun Civil Munisipiu Baucau.
Relasiona udan no anin boot Autoridade protesaun Civil Munisipiu Baucau husu ba sidadaun hotu atu hado’ok an husi fatin risku hanesan hela iha foho lolo, mota ninin, tasi ninin inklui hela besik iha ai hun boot.
Uma ne’ebe mak hetan estragus husi familia uma kain tolu mak hanesan Xefe familia tolu mak hanesan Rita de Fatima Pereira, Martinho Moreira no Costodiu Dos Santos.
Ekipa Kobertura : RCLM
