RCLM (18-03/2026)—Nonu Governu konstitusionál liu husi Ministériu Administrasaun Estatál, rekomenda pontus importante haat ba Autoridade Munisipál Baucau, hodi hadi’a antes simu desentralizasaun administrativa no poder lokál.
Iha Aprezentasaun avaliasaun kondisaun minima, Ministru Administrasaun Estatál Tomas do Rózario Cabral relata, bazéia ba avaliasaun kondisaun minima, antes ekipa avaliador husi Ministériu Administrasaun Estatál deteta iha Autoridade Munisipál Baucau no presiza hadi’a, iha pontus prinsipál haat kompostu, Planeamentu no monitorizasaun, gestaun finaseira no aprovizionamentu, kontrasaun públika, monografia no demografia.
”Tamba governu sentrál delega ona servisu mai ekipa ida husi Dili mai halo avaliasaun kondisaun minimu kaer materia lima, saláriu vensementu, PNDS, kapitál menór, kapitál dezenvolvimentu, tranférensia públika ho mos governasaun, agora tempu atu ita hare ohin PAM aprezenta, Baucau prontu ida ne’e kondisaun avaliasaun fulan lima ekipa mai fali mantein ka la’o ba oin ou tun fali, tamba tuir lei sei aprezenta iha konsellu Ministru sei aprova rezolusaun la’ós ita mai mai foti tau ba lae, sei aprova ho rezolusaun,” dehan Ministru Administrasaun Estatál liu husi aprezentaun iha CCB Vila Antiga tersa (17-03-2026).
Entertantu, observasaun jerál husi Ministériu Administrasaun Estatál ba Autoridade Munisipál Baucau presiza kontrolu ho efetivu iha implementasaun programa iha PDIM ho PNDS, inklui monta kuadru informasaun projetu kompleta ho nia orsamentu iha fatin implementasaun projetu nian.
”Konsidera planu despezas hodi bele kontrola orsamentu iha kategória tranférensia públika nune’e bele faselita implementasaun atividade tuir nia tempu, Diretór servisu Munisípál presiza iha kalendariu implementasaun ba programa aprovadu ho baze ba planu asaun anuál,presiza halakon sentiment “egoista” iha servisu fatin no nesesita komunikasaun no kordenasun di’ak iha fatin servisu”
Diretor Servisu Munisipál atu submete relatóriu atividade mensalmente ba PAM, nune’e bele justifika despezas, PAM tenke atribui ordem ba ajénsia fiskalizasaun ba servisu administrativa tinan ida dala rua, haforsa kordenasun servisu nivél Munisipál to’o aldeia.
Inísiu do anu Autoridade Munisipál tenke aprezenta planu orsamentu no planu orsamentu hodi hetan aprovasaun husi superior tutela antes implementa.
Ezekusaun orsamentu tuir kategória no tenke iha kabimentu orsamentu molok emiti Commitment Payment Voucher ( CVP sígla Inglés), planu asaun anuál, orsamentu Munisiapál ho nia ezekusaun ho programa planu Investimentu Munisípál no planu aprovizionamentu hotu tenke públika iha portál Munisípál.
Prezidente Autoridade Munisipiu Baucau Veneranda Eurico Lemos Martins hateten, Autoridade Munisipál Baucau simu no anota rekomendasaun sira husi Ministériu Administrasaun Estatál aprezenta, tamba ne’e autoridade Munisipál sei servisu makas liu tan hadia rekomendasaun sira hodi simu desentralizasaun administrativa no poder local, tamba povu mós hein.
”Ami simu rekomendasaun husi Ministru Administrasaun Estatál nomos primeiru Ministru rasik, ami anota no hakarak servisu makas tebes, tamba komunidade ka povu Baucau hein desentralizasaun kle’ur,” dehan PAM Baucau.
Munusipiu Baucau iha postu administrativu 8, suku 62 no aldeia 281 ho totál uma-kain 57.583 no populasaun 160.724, kompostu mane hamutuk 81.790 no feto hamutuk 78.934.
Entertantu, vizita ofisiál Nonu Governu konstitusionál iha Munisípiu Baucau, hodi hare besik servisu Munisípál hodi hare besik kondisaun minima ba implementasaun desentralizasaun administrativa no poder local, kompostu husi Primeiru Ministru Kay Rala Xanana Gusmão, akompana husi membru Governu no hetan partisipasaun másimu husi Autoridade sivil, seguransa, intelektual Baucau oan, Igreja, sosiedade sivil, partidu polítiku sira no seluk tan.
Ekipa Kobertura : RCLM
