RCLM Baucau (23/03/2026)—Tuir planu Iha fulan Março tinan 2026 sei funsiona sala ICU Hospital Regional Eduardu Ximenes Baucau, iha ne’ebe prepara ona profisional Saúde hamutuk nain sanolu resin neen, kompostu husi Mediku, infermeira no infermeiru, hodi bele halo atendimentu ba kazu emergensia sira.
Diretur Ezekutivo HoREX Baucau Claudino Ximenes hateten, kuaze tinan tolu resin Sala ICU abandona hodi labele utuliza ba atendimentu kazu emergensia, tamba menus Rekursu humanus, maibe iha tempu besik sei funionamentu sala ICU HoREX Baucau, nune’e bele Redus transferensia pasiente sira ba iha Hospital Nasional Guido Valedares Dili.
“Bele halo redusaun ona tamba ita iha fatin ona, maibe la’os kazu hotu-hotu tenke tau iha ne’e maibe pasiente sira ne’ebe presija atu halo diagnostiku hanesan CT scan, tamba pasiente balun mate tuir dalan tamba ne’e mak ita hakarak atu prevene buat sira ne’e atu labele akontese tan, ita estabelese fatin ne’e tamba ita iha ona rekursu humanu, ekipamentus ne’ebe iha ona”. Dehan Diretur Ezekutivo HoREX Baucau Segunda 23/03/2026.
Koordenador Formasaun Klinka Intituto Nasional Saúde Publiku Timor Leste Fransisco Borges hateten, profisional saúde sira ne’ebe atu destaka iha Sala ICU, presija tuir kursu Koidadu klinika atu oinsa bele trata pasiente emergesia sira ho diak.
“Kursu ne’ebe mak sira tuir mak kuidadu klinika ne’ebe mak sira sei paratika mak barak no teoria sei oituan, atu oinsa bele atende pasiente sira ne’ebe emergensia”. Hatete Fransisco
Enetrtantu Norse Educator husi NCCTRC Autralia Beth Price hateten, sente orgullu no agradese tamba, hetan konfiansa hodi fo kapasitasaun ba Profisional saúde sira, oinsa atu halo atendimentu kazu urujente iha HoREX Baucau, no bele Redus Numeru transferensia ba HNGV.
“sente orgullu tebes hetan konvite hodi fo treinamentu ba Mediku sira kona ba asesmentu ba faselidade sira, kuidadu Saúde Emergensia oinsa sira bele atende pasiente ho diak”. Dehan Beth
Profisionál Saúe sira ne’ebe hetan kapasitasaun hodi destaka ba sala ICU hamutuk ema nain rua nolu, kompostu husi Oecusse, Maliana, Suai, Maubisse no HoREX Baucau.
Enkuantu sala ICU HoREX Baucau estabelese iha tinan 2022, inklui instala ona Ekipamentus atendimentu nian, maibe la utuliza to’o agora, enkuantu iha fulan Março tinan ne’e sei funsiona hodi halo atendimentu ba pasiente urujente sira.
Ekipa Kobertura : RCLM
