RCLM Baucau (31/03/2026)—Husi tinan 2025 Hospital Regional Eduardu Ximenes Baucau, liu liu iha sala Departementu maternidade rejistu bebe ne’ebe moris hamutuk 1.721, no iha tinan 2026 hahu husi fulan janeiru to’o mai fulan Março, bebe ne’ebe mak moris hamutuk atus tolu, sanolu resin neen, enkuantu bebe nebe mak moris iha komplikasaun hamutuk atus hat resin, ne’ebe mai husi Munisipiu Lautem, Viqueque no Baucau rasik.
Xefe Departementu Sala Maternidade Bernardina Freitas Marçal hateten, Parte HoREX Mos halo transferensia Pasiente inan isin rua sira ba Hospital Nasionál Guidu Valedares, tamba menus ran no halo CT-Scan.
Bernardina hatutan, entre tinan 2025 bebe moris iha HoREX, Barak liu kompara ho tinan kotuk liu ba tamba inan isin rua sira iha ona konsensia, atu partus iha hospital hodi salva bebe.
“Dadus ne’ebe ami rekolla husi 2023 no 2024 hau haree dadus ne’e tun, maibe agora dadaun ne’e husi 2025 to’o 2026 ne’e komesa inan sira ne’ebe partus, dadus sa’e makas liu tamba sira iha ona konsensia komunidade, inan barak mak iha ona konsensia para atu ba fasilidade saude hodi partus kompara ho tinan kotuk sira ne’e, bainhira inan sira to’o mai ami husu dala barak mak sira resposta dehan ami hatene presija tenke ba fasilidade saude, para hodi nunee salva ami nia vida no oan sira”. Dehan Xefe Departementu Sala Marternidade ba Jornalista sira iha nia kna’ar fatin, segunda 30/03/2026
Xefe departementu ne’e hateten, difikuldade ne’ebe mak sala maternidade hasoru mak ekipamentus hanesan tensi monotorin, ne’ebe mak difikulta tebes profisionál saude sira hodi halo tendimentu bainhira pasiente barak.
“Ami nia sala maternidade durante ne’e infrenta mak hanesan ekipamentus ne’ebe ke ladun sufisiete por ezemplu iha tensi monitorin ne’e lolos ne’e kada ruangan ida tenke iha ekipamentus ne’e prepara iha fatin ida, maibe agora dadaun ne’e ami hetan deit tolu entaun la sufisiente para atu halo atende pasiente ne’ebe barak, lolos ne’e tenke barak para ami halo atendimentu ne’e ho lalais, maibe tamba limitadu teb-tebes ida nee mak ami presija, se bele karik husu ba Ministeriu Saude no NGO sira seluk ne’ebe suporta no faselita ami hodi tulun no hala’o servisu ne’e ho diak”. Hatete Bernardina
Profisionál saude husu ba inan isin rua sira labele tauk hodi hakbesik an ba iha fasilidade saude sira, atu mediku sira halo tratamentu hodi salva bebe no inan, enkuantu medikamentus iha sala maternidade sufisiente hodi halo atendimentu ba pasiete sira.
Ekipa Kobertura : RCLM
