RCLM Baucau (04/07/2025)—Xefe Departemnetu Parque Eskolar Munisipiu Baucau Sabino Arlindo Ximenes hateten, relasiona ho Ezekusaun merenda Eskolar iha Pre Eskolar Santa Ursula Baucau ba estudante nain 50 ne’ebe osan la iha, parte Edukasaun klarifika katak osan laos lakon, maibe failansu iha dadus tamba eskola Pre Eskolar Santa Ursula hamutuk ho Pre Eskolar São João Paulo hamutuk 294 maibe parte Eskola submete dadus primeiru ba parte edukasaun hamutuk 244, iha neebe nain lima nolu nian naran la tama iha lista.
Nia hatutan parte Edukasaun halo pedidu ba Autoridade Munisipiu Baucau, aprova bazeia ba dadus husi estudante hamutuk 244 nia osan mak halo transferensia ba konta bankaria.
“Osan ne’e laos lakon maibe failansu iha dadus estudante, tamba submete primeiru ita halo tiha pedidu 244 nia pedidu parte autoridade munisipiu aprova ona, entaun osan transfere tiha iha banku depois segudu etapa mai fali dehan numeru estudante aumenta laos uituan maibe 50 alunos”. Dehan Xefe.Dep Parque Eskolar Sabino Ximenes ba jornalista sira iha nia kna’ar fatin Sesta Feira, 04/07/2024.
Xefe Departementu ne’e hatutan estudante hamutuk nain 50 ne’ebe nia osan la iha segundu periodu sei tau fali iha terseiru periodu.
“Sira nain 50 ne’ebe nia osan la iha segundu periodu ita sei tau fali iha terseiru periodu, tamba pedidu foin dadauk ita aprezenta ona ba PAM ne’e ita tau kompleitu ona 294″. Tenik Sabino
Sabino hatutan osan ne’ebe halo transferensia ba segudu etapa ba Eskola Pre Eskolar santa ursula hetan osan hamutuk $ 19.471,20.
“segudu periodu iha 40 dias efetivos ne’e Santa Ursula sira hetan deit 19.471,20 centavus bazeia ba numeru estudante ne’ebe mak iha tuir lolos sira hetan 20.311, 20 centavos agora terseiru periodu ne’e sira sei hetan 20.311,20 centavos, tamba ita aumenta tan 50 alunus ne’ebe mak la hetan direitu segundu periodu”. Dehan Sabino
Xefe Departementu ne’e husu ba diretivas eskola sira bainhira atribui dadus estudante presija submete mos dadus estudante ba iha parte merenda eskolar nian, hodi nune’e halo pedidu ba Autoridade munisipiu karik, labele difikulta ba prosesu merenda eskolar tuir mai.
Ekipa Kobertura : RCLM
