RCLM Baucau (20-02-2026)—Infraesrtrutura baziku Estrada ba suku Uai-gae no Ossoala, iha Postu Administrativu Vemasse Munisipiu Baucau kondisaun aat grave, hodi difikulta movimentu komunidade.
Administradora Postu Vemasse Elda Maria Viegas de Sousa Freitas avalia, kondisaun estrada ba suku rua refere aat tebes liu-liu iha tempu udan, impede transporte públiku no komunidade lori produtu lokál asesu merkadu no fasilidade Saúde.
“Estrada óras ne’e dadaun husi Postu Vemasse ba Uai-gae no Uaiarebo, ita hare difikulta tebes hau nia komunidade la’os ne’e de’it, husi suku Uatulari ba suku Ossoala ne’e mos difikulta tebes, no estrada ne’e presiza duni halo reablitasaun,” informa Administradora Vemasse ba Jornalista sira iha Salaun Apuramentu Vila Nova sesta ne’e.
Autoridade Postu ne’e relata, estrada husi Vemase vila ba suku Uaiga’e hamutuk kilometru sanolu resin ida, enkuantu ba suku Ossoala kilometru haat nolu resin lima, tamba ne’e governu sentral liu husi Ministeriu Obras Publika, toma atensaun halo reabilitasaun nune’e faselita movimentasaun komunidade sira.
“Xefe suku sira mos uza osan PNDS hadi’a estrada ba aldeia sira ne’ebé aat, maibe husi Uatulari ba Ossoala ne’e suku ida ba suku ida, ita konta liu kilometru 9 hanesan Vamasse ba Uai-ga’e espera governo tau ba prioridade, tamba difikulta tebes movimentu komunidade,” nia rekomenda.
Alende ne’e problema seluk suku rua infrenta mak, la iha rede telekomunikasaun hodi faselita komunidade no konsellu suku halo komunikasaun.
Ekipa Kobertura : RCLM
