RCLM Baucau (21-01-2026)—Servisu Munisipál Edukasaun deklara implementasaun programa merenda eskolar husi eskola pre-eskolar to’o ensinu baziku, iha Munisipiu Baucau balun seida’uk iha dapur propriu.
Diretor Servisu Munisipal Edukasaun Baucau Afonso dos Santos da Costa konfirma, bazeia ba indentifikasaun Servisu Munisipál Edukasaun husi sentru ekipa jestaun merenda eskolar 35 dapur propriu iha eskola sira maória seida’uk halo konstrusaun propriu, maibe inan-aman estudante mak apoiu eskola no ekipa jestaun programa meredenda eskolar halo dapur provizóriu hodi fo mahon kozineira sira tein hahan ba estudante, alende ne’e kona ba sala refetóriu eskola hotu la iha.
”Ko’alia kona ba dapur fatin han sira (refetóriu) tomak klaru grupu EJPE 35 ne’e laiha, dapur mak iha netik durante ne’e ita fi’ar inan-aman prepara fatin tein (dapur) mais ita Baucau foin dapur 10 (konstui propriu ona),” dehan Afonso ba Jornalista sira iha EBC 03 Vila Nova tersa ne’e (20/01/2026).
Diretor Munisipal Edukasaun Baucau informa, planu Munisipiu liu husi programa nasionál dezenvolvimentu suku (PNDS) tinan ne’e, sei konstrui dapur no kompleta refetóriu ba eskola besik sanolu.
“Planu hau rona husi PNDS atu halo tan 10 resin hanesan ne’e refetóriu kozina rua hamutuk iha hotu hitu ka ualu hanesan ne’e, ita identifika eskola sira hamutuk hanesan primeiru, segundu no terseiru siklu hamutuk hanesan iha Binagari Vemasse iha Laga no Baucau vila eskola rua ida hanesan ne’e,” Afonso esplika.
Enkuantu dadus husi Diretor Servisu Munisipal Edukasaun Baucau eskola konstrui ona dapur propriu foin 10, maibe ba sala refetoriu eskola hotu la iha.
Ekipa Kobertura : RCLM
