RCLM Baucau (20-11-2025)—Ema ho defisensia (EhD) husi Komite Parlamentu Nasional Timor-Leste (CPNTL)iha Munisipiu Baucau, husu Autoridade Munisipal konsidera sira nia ejizensia hodi ajusta ba planu dezemvolvimentu Municipal (PDM) tinan 2025-2030.
Rekomendasaun ne’e hato’o husi Pontu fokál EhD husi CPNTL iha Munisipiu Baucau Tomas Martins Gusmão ba jornalista sira, hafoin partisipa surumutu konsultasaun publiku ba planu dezenvolvimentu Munisipal tinan 2025 to’o 2030, ne’ebé reliza husi Autoridade Munisipal Baucau iha salaun apuramentu kuarta (19-11-2025).
Reprezentante ema ho defisensia iha Baucau avalia, Planu Dezenvolvimentu Munsipal antes ne’e konstrusaun edifisiu publiku balun laiha asesbilidade ba ema ho difisiensia, tamba ne’e rekomenda ba Autoridade Munisipiu Planu Dezenvolvimentu Munisipal tinan lima ba oin tenki tau atensaun masimu, preokupasaun ema ho defisiensia nian liu-liu asesibilidade, alende ne’e involve ema ho defisensia iha instituisaun.
“Planu Dezenvolvimentu Munisipal 2025-2030 ami hato’o prioridade asesibilidade ba ema ho defesiensia, tamba Planu Dezenvolvimentu Munisipal to’o 2025 laduan la’o di’ak tamba konstrusaun edifisiu publiku balun seidauk iha rampa ba ema ho defisensia atu asesu,” dehan fokál EhD husi CPNTL iha Munisipiu Baucau.
Enkuantu Planu Dezenvolvimentu Munisipal Baucau nia misaun fó prioridade ba dezenvolvimentu inkluzivu no sustentavel liu husi agrikultura, peska, industira ki’ik, turizmu kreativu no inovativu, fasilita asesu ba merkadu, kréditu no koñesimentu ba grupu komunidade vulneravél inklui feto, ema ho defisenisa no juventude.
Alende ne’e, hametin parseria investimentu entre komunidade, setór privadu no governu atu kria valor no empregu, Munisipiu Baucau valorize diversidade kulturál no indentidade kulturál, promove asesu iguál bá servis públiku, solidariedade komunidade, governasaun transparante, partisipativu no empoderamentu komunidade ho mudansa klímatika Baucau, fó prioridade ba protesaun ambiente investe iha agrikultura sustentavel, enerjía renovavel, jestaun lixu no kapasidade institusionál atu hetan funsionamentu global ba atividade ekonómíka matak no azúl.
Ekipa Kobertura : RCLM
