RCLM Baucau (11/11/2025)—Hahu husi fulan Janeiru to’o mai iha fulan outubru tinan ne’e, Dirasaun Munisipal Transporte Komunikasaun Baucau rekolla Reseitas Hamutuk U$ 253,188.50 ba kofre estadu.
Diretur Dirasaun Munisipal Transporte Komunikasaun Baucau Mariano Pinto da Costa hateten, osan hirak ne’e mai husi aktividade hat mak hanesan inspesaun, transporte publiku, karta kondusaun inklui rejistu.
Nia hatutan kada fulan reseitas ne’ebe tama ba kofre estadu sempre iha mudansa ba osan.
“Sira ne’ebe mak mak halo inspesaun, transporte publiku, karta kondusaun, no rejistu hahu husi fulan janeiru hamutuk U$ 27.160.00, Febereiru hamutuk U$ 24,.015.00, Março hamutuk U$ 23.042,50, fulan abril hamutuk U$ 28.493.00, Maio hamutuk U$ 21.127.00, fulan Junho hamutuk U$ 24.970.00, Jullu hamutuk U$ 34.768.00, Agustus U$ 22.195.00, Setembru hamutuk U$ 21.780.00 no fulan Outubru hamutuk U$ 25.638.00″. Dehan Diretur DMTC Baucau Foin foin lalais ne’e.
Mariano husu ba motorista no kliente sira nafatin trata dokumentus kareta motor inklui karta kondusaun, atu nune’e bele faselita hodi movimentu ba mai la’o livre.
“Hau husu sidadaun hotu ne’ebe uza transporte publiku no privadu hakbesik nafatin mai iha DMTC, atu trata imi nia dokumentus hhodi faselita imi durante hala’o viagem hodi la’o livre”. Haktuir Mariano
Kliente sira ne’ebe mak halo rejistu foun, karta kondusaun, inspesaun, no transporte publiku hamutuk 1.343 iha Dirasaun Munisipal Transporte Komunikasaun Baucau.
Ekipa Kobertura : RCLM
