RCLM Baucau (04/02/2026)—Durante tinan ida ezistensia Balkaun Uniku iha Munisipiu Baucau halo atendimentu ba sidadaun sira ho Provizoriu deit maibe tinan ne’e, Balkaun Uniku Munisipiu Baucau simu ona Blanku Bileti Identidade Original 1.200 husi Diresaun Geral simplifikasaun no modernijasaun Administrasaun Local, husi Ministeriu Estatal hodi halo atendimentu ba Sidadaun sira.
Kordenador Balkaun Uniku Munisipiu Baucau Euclides Ornai hateten, Balkaun Uniku Munisipiu Baucau Hahu ona Imprime Blanku Bileti Identidade Orijinal ba Sidadaun sira iha ne’ebe kada loron imprime deit ba ema nain 50, tamba atu halo jestaun no kuidadu ba makina sira hodi bele utiliza ba tempu naruk.
Ko’ordenador ne’e hatutan blanku BI original ne’ebe dadaun ne’e iha provizoriu uza ba fulan tolu, hafoin mak kontinua tan to’o fim do ano.
“Ba dadauk ne’e ita imprime ona BI orijinal ba ita nia komunidade sira, ita nia aplikante sira ne’ebe mak mai trata dokumentus Bilete identidade iha Balkaun Uniku, bazeia ba ita nia material ne’ebe mak disponivel balkaun uniku iha Munisipiu hotu-hotu, ba dadauk ne’e ita simu aplikante 50 kada loron, nune’e iha Baucau ita iha orariu loron rua segunda ita simu 50 no tersa ita simu 50, semana ida ita simu 100 hodi imprime bileti identidade orijinal ba aplikante sira ita nian blanku ne’ebe mak dadaun disponivel iha balkaun uniku Baucau, ita prepara ba fulan tolu nian”. Dehan Koordenador Balkaun Uniku Baucau ba jornalista RCLM Quarta, 04/02/2024
Euclides Ornai Husu ba sidadun sira ne’ebe imprima ona BI provizoriu, no halo foun bele hakbesik an ba Balkaun Uniku Munisipiu Baucau hodi Imprime Orijinal.
“Mensagen ba ita nia komunidade sira katak agora dadauk ne’e ita ninia BI orijinal iha ona, liu liu sira ne’ebe mak agora ka’er provizoriu no sira ne’ebe mak hakarak halo foun bele hakbesik an mai iha Balkaun Uniku, hodi bele imprime bilete Identidade original ba aplikante sira no atu fo hanoin katak loron ida ita simu ema nain 50 ho meus ida katak ita hakarak halo jestaun material sira neebe mak agora dadauk diaponivel iha Balkaun Uniku, i husu ba komunidade, ita hotu nia komprensaun no kopera no kolabora ho ita nia ekipa tekniku sira para ita bele halo atendimentu nakloke transparansia ba ema hotu hotu ida ne’e ita la hare ba kores ita la hare ba amigus hotu-hotu neebe mak mai iha Balkaun Uniku forma iha oin hau 1 to’o 50 ida ne’e mak ita imprime blanku orjinal ba sira”.hatutan Euclides.
Orariu ba atendimentu ba sidadaun sira iha loron segunda no tersa Balkaun Uniku halo atendimentu Imprime Blanku BI orijinal ba ema nain 50, loron Quarta no Quinta sei halo atendimentu ba sidadaun sira ne’ebe trata Bom komportamentu no sesta feira sei halo distribuisaun bom komportamentu ba sidadaun sira, ba sidadaun ne’ebe mak hetan ona BI provizoriu bele lori Sertidaun Nasimentu Foto Kopia no Bileti Identidade Provizoriu hodi bele imprime fila fali Original.
Ekipa Kobertura : RCLM
