RCLM Baucau (18/03/2026)—Prezidente Konsellu Munisipal Kombatentes Libertasaun Nasional Munisipiu Baucau, Cornelio Gama ‘L7’ Hateten, Veteranus Munisipiu Baucau Prontu ona atu simu Dezentralizasaun administrativa poder lokal, tamba Veteranus hanesan rin ba Libertasaun Nasional iha ne’ebe sei apoio no kopera Governu Lokal.
L7 hatutan Munisipiu Baucau Bele ona atu implementa Dezentralizasaun poder lokal, tamba iha potensialidade rekursu Humanu no naturais ne’ebe Boot, tamba ne’e Jerasaun Foun sira presija estuda maka’as hodi jere poder lokal ne’e ho diak iha futuru mai.
“Nu’udar prezidente CCLN Baucau prontu atu apoio no kolabora ba governu hodi implementa poder lokal, tamba veteranu nu’udar rin ba libertasaun nasional”. Dehan L7 iha CCB Tersa 17/03/2026 hafoin Vizita Ofisial Primeiru Ministru Kay Rala Xanana Gusmão ho Komitiva hodi hare besik servisu Munisipal husi rejultadu avaliasaun kondisaum minima.
Reprejentante Intelektuais Munisipiu Baucau Marçal Victor Soares hateten, Dezentralizasaun Administrativo Poder lokal ne’e Importante tebes, tamba Lori Besik Dezenvolvimentu ba Komunidade sira.
“Ita kolia kona ba dezentralizasaun administrativa Poder lokal importante liu ba destinu Munisipiu Baucau nian, tamba sa husu ida ne’e lori besik dezenvolvimentu ba povo”. Hatete Marçal
Entertantu Primeiru Ministru Kay Rala Xanana Gusmão iha nia diskursu hateten, apela ba Baucau oan hotu atu servisu hamutuk fo fuan ho laran hodi implementa Dezentralizasaun Poder Lokal ho diak, Labele hamosu familiarizmu Sukuizmu no Partidatizmu.
“Apela ba Baucau ona sira atu servisu hamutuk ho fuan no laran bainhira implementa Poder lokal, labele hamosu familiarizmu, Partidarizmu, Sukuizmu no brokerizmu”. Dehan Xanana
Atu implementa Dezentralizasaun Administrativa Poder Lokal presija promove kualidade rekursus humanus liu husu area Edukasaun no formasaun profisional, hodi sai agente ba transformasaun ekonomia promove servisu saude investe iha seitor Privadu, promove seitor Privadu no hari’i instituisaun publiku ho profisional, enkuantu total populasaun iha Munisipiu Baucau hamutuk 160.724, kompostu husi Postu administrativo 8, suku hamutuk 62 no total aldeia hamutuk 281.
Ekipa Kobertura : RCLM
