RCLM Baucau (18/11/2025)—Dirijente eskola sei hasai karta transferensia ba Estudante feto nain rua, ho inisial DCXB Desimu primeiru anu no LVF desimu anu, ne’ebe baku malu tan doben iha resintu Eskola Ensinu Sekundariu jeral 02 Vila nova Baucau, ne’ebe Viral iha media Sosial.
Diretur eskola ensinu sekundario jeral 02 vila nova Baucau Marcelino de Jesus hateten, relasiona ho desintendementu entre estudante nain rua, deskonfia baku malu tan doben, maibe laos ligasaun ho arte marsiais. Estudante nain rua ne’ebe baku malu viral iha media social, parte eskola rekoñese failansu husi eskola nian, ne’ebe menus kontrola ba estudante sira.
“Kona ba alin estudante ne’ebe foin dada’uk baku malu no agora dada’uk viral iha media sosial, kazu ida ne’e, hau hanoin kontinuasaun husi kazu hirak ne’ebe sira halo iha ESG 01 Baucau, estudante hirak ne’e pindahan husi ESG 01 Baucau sira nia latar belakang ga sira nia hahalok ka komportantamentu sira ne’e, antes ne’e iha tiha ona komesa husi sma 1 mak sa’e mai, no foin dadauk sira provoka malu no ida seluk hanoin katak ida seluk ne’e troxa nia ikus mai sira konsege baku malu, ami mestri sira mos ladun hatene bainhira viral tiha iha media sosial mak ami foin hatene, ida ne’e karik faila ida hodi hanoin ladun kontrola ho masimu, maibe estudante nain rua ami konsegue bolu ona nia inan aman maibe to agora seida’uk mai hodi rezolve”. Dehan Diretur ESG 02 Vila Nova Baucau foin lalais ne’e.
Diretur ne’e hatutan ho akontesementu ne’e, Dirijente parte eskola sente triste tebes tamba estraga imagen eskola nian ba iha publiku.
“Ba estudante hotu katak hahalok ne’ebe estudante nain rua halo ne’e hahalok ga komportamentu ida ne’ebe ladun diak ne’e duni husu ba estudante hotu labele halo tuir, tamba ida ne’e laos lisaun ida atu aprende, problema ne’e akontese iha eskola, ne’e duni ida ne’e konsidera halo foer eskola nia naran, tamba ne’e mak medida ne’ebe eskola foti mak ida ne’e tinan oin mai sira nain rua tenke hetan transferensia labele eskola iha ne’e, hanesan diretur hau triste ho asaun sira ne’ebe estudate sira halo hein katak kazu sira hanesan ne’e labele akontese tan tuir mai”. Hatutan Diretur ESG 02 Vila Nova Baucau
Dirijente ne’e hateten eskola laos fatin hodi halo problema, maibe fatin ba aprendisagen nian tamba ne’e husu ba estudante sira, atu labele halo tuir no repete tan hahalok at ne’e, tamba estraga eskola nia naran iha publiku.
EKipa Kobertura : RCLM
