RCLM Baucau (08/11/2025)—Autoridade Nasional Minerais halo Levantamentu dadus relasiona ho nesesidade komunidade nian iha Munisipiu Baucau, ho objetivo atu hetan informasaun detallus kona ba kondisaun real komunidade nian, no oinsa atu komprende diak liu komunidade sira nia interese, avalia area sira ne’ebe mak sei falta iha komunidade, no identifika nesesidade ka perioridade husi komunidade afeitadu sira, hodi nune’e bele halo planu no foti desizaun.
Reprejentante Diretura Autoridade Nasional Minerais Evita Bareto Abrantes hateten, parte autoridade nasional minerais fo ona lisensa ba kompaña sira hala’o hela aktividade peskiza iha Munisipiu Baucau, iha aktividade peskiza ne’e hetan rejultadu ne’ebe pozetivo sei tama ba iha faze dezenvolvimentu.
Nia hatutan iha faze dezenvolvimentu sei kria kampu traballu ba Timor oan, liu liu joven sira inklui kompaña sei fo oportunidade ba fornesedor lokal sira atu fornese sasan sira ba aktividade ida ne’e.
“Tuir lei kompaña sira ejiji tenki halo dezenvolvimentu ba komunitaria tamba rekursu ne’e iha komunidade sira nia area entaun sira mos halo dezenvolvimentu ba komunidade sira ne’ebe afeitadu ne’ebe mak akitivade afeita ba, programa ida ne’e ita hanoin katak importante teb-tebes”. Dehan Reprejentante ANM iha Salaun apuramentu Munisipiu Baucau Sesta, 07/11/2205
Entertantu Reprejentante Prezidente Autoridade Munisipiu Baucau Juvinal Daniel Filipe Belo hateten, husu ba Autoridade no komunidade Munisipiu Baucau atu kopera ho Autoridade Nasional Minerais hodi hala’o aktividade sira bele la’o ho diak.
“Sira ne’ebe iha ona koñesementu ita husu para atu kopera tamba aktividade ne’e regula husi dekreitu lei ne’ebe sei asegura ambiente ita boot sira nian, suku sira ne’ebe tama iha lista hatutan informasaun ne’e ba komunidade sira, atu sira bele hatene para aktividade ne’e iha kopera no kordena hodi bele la’o ho diak”. Hatete Reprejentante Prezidente Autoridade Munisipiu Baucau Juvinal Daniel Filipe Belo.
Entertantu Xefe Suku Tekinaumata Abilio Diamantino hateten, suku tekinaumanta sei tau perioridade ba Postu Saúde, salaun desportu bee mos.
“Suku Tekinaumata rasik sei tau perioridade ba Postu Saúde, tamba husi primeiru governu to’o mai nonu governu seidauk hari’i Postu Saúde ida no ami mos tau perioridade ba Salaun desportu ba joven sira, inklui atu dada bee mos ba komunidade tamba bee mos fator ne’ebe importante ba moris loro loron”.
Partisipa iha Levantamentu dadus ne’e, mai husi Xefe Suku Postu Adminjstrativo Baucau Vila, Laga Venilale no Postu Administrativo tolu Iha Quelicai.
Ekipa Kobertura : RCLM
