RCLM Baucau (16-12-2025)—-Tersa feira ne’e Mais ou menus tuku ida ho balun oras Timor-Leste akontese asidente trafiku kareta vaskolante ho Sapa matrikula A. 56916 baku fila iha area waiono waisa aldeia ossowaa suku Tirilolo Postu Administrativo Baucau Vila Munisipiu Baucau, rejulta ema nain tolu mate fatin, balun grave no balun hetan kanek kamaan.
Vitima Grigorio da Silva hato’o koronologia akontesementu, Asidente ne’e akontese wainhira vitima sira Viagem husi Suku Nahareka Postu Administrativo Ossu ba Dili atu hola material paralon PNDS nian, no balun atu ba negosio no balun atu ba partisipa Oan nia graduasaun, maibe to’o area refere hetan asidente, Depois de akontesementu komunidade sira informa kedas ba parte Saude atu koloka ambulansia hodi evakua vitima sira ba Hospital regional Eduardu Ximenes Baucau hodi halo tratamemtu.
“Tuir planu ami husi Nahareka atu ba Dili atu hola paralon tamba progrma PNDS nian tamba la to’o, depois sufer sira tula tan pasajeirus sira iha dalan, ami to’o iha asalaitula ami deskansa sente diak oituan, no ami hala’i tan to’o iha kota lama deskansa tan sente diak, ami sae ba lanud nian atu liu husi dalan tuan lae sufer dehan liu husi dalan foun mak diak ami to’o iha estrada tuan iha tikungan nian derepente kareta baku fila tamba halai ho velosidade maka’as to’o iha fatin, deskonfia travaun la iha, ami iha kareta laran ne’e ekipa husi PNDS nain 3 no pasajeirus balun atu ba negosiu no balun atu ba partisipa oan nia graduasaun iha Dili”. Dehan vitima ba Jornalista sira hafoin halo tratamentu iha Horex Baucau tersa feira, 16/12/2025
Entertantu Mediku Sala Emerjensia HoREX Baucau Mario Sarmento hateten, parte sala emerjensia simu pasiente hamutuk nain sanolu resin sia maibe ema nain hitu mak kondisaun grave, tamba hetan pankada maka’as, balun hetan tohar iha nia ain, liman no balun trauma kapites.
“Sira mai iha ne’e tuku 3 ho balun mai ho ambulancia asidente trafiku sira hamutuk nain 19 maka tama iha emergensia ho nain 7 mak kondisaun grave no seluk ne’e kondisaun ne’ebe mak kamaan no feto ida mak lakon nia ain sorin parte los, tamba ne’e Doutor sira lori ona ba sala serujia halo separasaun ba iha kanek sira ne’e para atu transrefere ba Dili, nain hitu ne’ebe grave ne’e balun tohar iha ain, liman no balun trauma kapitis no feto ida nian ain ne’ebe amputasaun ne’e dotour sira planu atu transferensia ba Dili”. Haktuir Mario
Enkuantu pasiente nain 7 ne’ebe hetan kanek grave mediku sira halo ona reparasaun ba kanek sira no tuir planu sei transfere pasiente ba Hospital Nasional Guido Valadares (HNGV) Dili, no pasiente balun sei kontinua halo observa iha sala sirurjia HoREX Baucau. Husi asidente refere iha pasajeiru nain 3 mate fatin kompostu Feto nain ida ekipa PNDS mane nain ida no pasajeiro mane nain ida, mate isin nain tolu tersa feira ne’e transporta ona ba nia rezidensia Suku Nahareka Postu Administrativo Ossu Munisipiu Viqueque.
Ho akontesementu ne’e parte jornalista tenta konfirma komandante Munisipiu Baucau superintendente policia João Sancho Pires rejeita fo komentariu.
Ekipa Kobertura : RCLM
