RCLM Baucau (24/02/2026)—Tersa-feira ne’e mais ou menus tuku hitu ho balun dader oras Timor Leste, akontesementu asidente trafigu iha area Haliforma suku Bahu Postu Administrativo Baucau Vila Munisipiu Baucau, motor ho sapa matrikula AB. 5042 soke malu ho mikrolete sapa matrikula 38.195, rejulta joven ida ho idade 25 tohar iha kelen parte karuk, enkuantu labarik no joven ida hetan kanek kaman.
Kondutor mikrolete Afonso Luis Magno hateten, kronologia asidente ne’e akontese bainhira kareta para metin iha dalan ninin hafoin motor refera dirasaun Triloka atu ba Baucau vila, iha ne’ebe halai ho velocidade makas derepente soke iha kareta kotuk rejulta body no vidru karta nian rahun, hafoin FFDTL sira evakua vitima sira ba HoREX Baucau hodi halo tratamentu.
“Kronologia ne’e hau sai husi uma mai atu tula hau nia oan ba eskola mak nia mai lansadu langsung soke kareta husi kotuk, to’o kareta nia body no vedru rahun, mak forsa sira lori ba hospital Horex, prosesu kazu ne’e hein nia diak, no nia famalia mai mak ami rezolve tamba kareta ho motor para hela iha kantor policia”. Dehan kondutor Mikrolete Afonso Magno ba jornaista sira tesra, 24/02/2026
Entertantu Mediku iha Sala Emergensia Bazilia Dos Santos Freitas hateten, hafoin simu pasinte husi asidente iha Haliforma, parte mediku sira halo kedas atendimentu ba pasiente sira, tuir planu joven ne’ebe mak tohar iha kelen sei halo transferensia ba Hospital Nasional Guido valedares Dili, enkuantu nair rua seluk fila ona ba uma.
“pasiente nain tolu foin lori mai iha oras tuku hitu ho balun hetan asidenti trafigu, nain rua adoltu ida mak labarik ki’ik oan ho idade tinan 9 kanek Kaman, ida mak todan tamba tohar iha parte ain karuk i desijaun katak atu rujuk ba Dili, maibe hein espesialista tamba sei konsulta iha sala sirujia, maibe nain rua seluk fila ona ba uma”. Haktuir Bazilia
Iha loron ne’ebe hanesan mais ou menus tuku sia ho balun dader, mosu asidente entre kareta ho motor soke malu iha routunda Vila Nova Baucau, rejulta membru PNTL nain ida hetan kanek iha parte liman karuk.
Tuir observasaun Jornalista iha tereinu nota katak, evidensia motor no kareta dadaun ne’e asegura hela iha komando PNTL Munisipiu Baucau, enkuantu to’o noticia ne’e publika seidauk halo konfirmasaun ho parte komandnte PNTL Munisipiu Baucau, tamba sei iha prosesu investigasaun nia laran.
Ekipa Kobertura : RCLM
