RCLM Baucau (10/03/2026)—Segunda feira kalan mais ou menus tuku sia kalan, asalta malu iha area Daregata Aldeia Ledatame suku Wailili, Postu Administrativo Baucau Vila Munisipiu Baucau, rejulta baraka rua hetan sunu, oho animal inklui uma rua no motor ida hetan estragus.
Vitima Beatriz da Costa Ximenes hateten, koronologia akontesementu bainhira joven sira halimar bola iha kampu hafoin labarik nain rua baku malu, iha ne’ebe boot sira tama, hamosu liafuan tolok mak mosu problema.
“Motivo tamba sira folly bola iha kampu ne’eba mak dehan labarik nain rua mak baku malu, be hau nia oan mak dehan la bele baku malu, ne’e mak dehan agido oh mimizu baku kedas nian rasta foti ninia faru gola, depois faru mos lees hotu dehan Lia fuan tolok, ne’e mak ninia apa ho ninia maun tama bee sira baku malu, depois policia sira mai kaer bolu ona ba tiha ona, depiois tuku sia minutu neen ne’e sira mai ikus fali, motor verza ida mak estraga hotu kalen uma leten nee mos kuak hotu, husi kios ne’e mos kala taa ga tuda karik kuak hotu uma rua mak sunu, ida mak iha ne’e ida mak iha karaik ne’eba, manu rua sira oho hotu be tau hela ne’e, rua mak sỉra kous ida iha kantor police ne’eba, ida mak lakon tiha ona be la iha tiha ona”. Hateten Vitima Beatriz
Entertantu vitima Domingas da Costa Ximenes reforsa, sente triste tebes ho hahalok ne’e, tamba asaltu iha tempu kalan, tamba ne’e husu ba Autoridade Suku no PNTL atu Buka tuir Autor sira hodi prosesa tuir dalan legal.
“Hahalok hanesan ne hatudu mai ami sente triste tebes, no ami husu ba Autoridade suku ida ne’e nian, OPS ga membru Policia sira atu nune’e bele mai buka tuir autor sira, atu nune’e rezolve lalais atu nune’e ami bele viagem ba mai eskola atu nune’e lao ho diak no seguru”. Vitima Domingas Reforsa
Relasiona ho Akontesementu asaltu malu ne’e, la rejulta ema kanek no mate, tuir observasaun jornalista iha tereinu nota katak, Komando PNTL Munisipiu Baucau liu husi seksaun Investigasaun Kriminal hamutuk ho OPS Suku wailili, identifika ona sidadaun balun hodi prosesu ba identifikasaun.
Enkuantu ho kazu ne’e jornalista tenta atu konfirma ba Komandante PNTL Munisipiu Baucau, maibe la konsegue tamba sei halo servisu iha kapital Dili.
EKipa Kobertura : RCLM
