RCLM Baucau ( 25/11/2025)—Autoridade Protesaun Civil Munisipiu Baucau rejistu Dezastre natural ahi-han uma tolu, kompostu husi uma ida ahi-han iha aldeia betulale Postu administrativo Vemasse iha Fulan Novembru, no iha fulan Outubru tinan ne’e uma ida ahi-han iha suku Abu Postu Administrativo Matebian no uma ida ahi han iha suku Wailili Postu Administrativo Baucau vila.
Komandante Autoridade Protesaun Civil Munisipiu Baucau Framsisco Viana Freitas hatete, relasiona ho akontesementu ne’e parte Autoridade Munisipiu Baucau apoio ona emergensia ba vitima sira, inklui apoio mos ba vitima dezastre natutais hamutuk tolu nolu resin tolu iha Munisipiu Baucau, alende ida ne’e halo mos verifilasaun ba uma kain 10 ne’ebe kategoria ba estragus total, naton, kaman hodi submete ba dirasaun nasional, atu halo reverefikasaun hodi bele fo apoio material rekoperasaun ba Vitima sira.
“Depois dadus ami foti hotu tiha para fo apoio emergensia i depois ekipa halo verefikasaun ami tenki haruka ba nasional ita hein bainhira mak atu hetan material de rekoperasaun, tamba sei hetan desizaun husi a nivel Nasional, emergensia ami fo hotu ona inklui akontese insendiu maibe to’o agora apoio sei lao hela tamba dezastre iha fatin fatin la’o hela, balun anin sobu emergensia la’o nafatin maibe iha fulan outubru ami apoio emergensia ne’e trita i tres agora hetan verfikasaun maka 10 ne’ebe ami halo ona verifikasaun ba kategoria tolu estragus total, naton no Kaman, dadus ne’e ami foti hotu ona orsida sei hetan reverfikasaun a nivel Nasional para hetan material rekoperasaun”. Dehan Komandante APC Baucau ba Jornalista RCLM tersa, 25/11/2025 iha nia knaar fatin
Dirijente APC Baucau husu ba sidadaun hotu atu hado’ok an husi fatin risku, hodi labele hetan dezastre ne’ebe la espera.
“Liu husi oportunidade ida ne’e hau informa ba komunidade sira, ita hotu hotu tempu udan ona se hela besik iha mota ninin karik buka para atu prevene an, karik udan boot anin boot, mota tun bele afeita ba sasan ou ba ita nia vida mos, ba rai lolon sira deskonfia rai lametin karik buka para hases an husi fatin risku”
Ai-han no laos ai han iha armagen Autoridade protesaun sivil munisipiu Baucau susfsiente hela hodi apoio ba vitima Dezastre Natural sira.
Ekipa Kobertura :RCLM
