RCLM Baucau (05/03/2026)—Koordenador Prevensaun no Advokasia Antonino Marques hateten, hahu husi tinan 2023 to’o mai iha tinan 2026, Organizasaun asistensia Legal ALFELA rejistu Kazu hasoru feto no labarik hamutuk 343 iha Munisipiu Baucau.
Nia hatutan Kazu hảsoru feto no labarik ne’ebé mak ALFELA rẹjistu as liu mak kazu Violensia domestika, Violasaun Seksual, abuzu seksual, no kazu sivil hanesan kazu ezersisiu regilasaun poder paternal ou kazu abandonadu.
“Dadus kazu iha Baucau ne’e as, kazu iha tinan 2023 hamutuk 85 kazus, 2024 hamutuk 109 kazus, 2025 hamutuk 78 kazus no 2026 iha 11 kazus”. Dehan Antonino Marques ba jornalista sira bainhira realiza workshop kona ba Labarik sira Livre husi violensia ne’ebe realiza iha Salaun Apuramentu quinta-feira, 05/03/2026
Antonino hatutan kazu hirak ne’e nia andamentu prosesu rẹjistu ona iha Ministeriu Públiku no balun iha ona Tribunal.
“Husi kazu 343 kazus ne’e, iha 136 ne’e prosesu hela iha Ministeriu Públiku, agora prosesu iha tribunal maka iha 206 kazus no depois iha tribunal rekursu kazu rua ne’ebé mak parte sira la simu, sira sei halo hela rekursu no total kazu ne’ebe mak remata hetan desijaun husi tribunal iha 498 kazus, neebe antes inklui kazu sira iha 2023 to’o 2026″.
Entertantu sekretaria asuntu Munisipal Sosial no Organizasaun Maria Celestinha Viegas Hateten, kazu Violensia Hasoru feto no labarik aas kauze husi fator ekonomiku.
“Dalaruma ita bele dehan ekonomia iha uma laran kuandu la sufisiente bele fo impaktu bele halo violensia ba iha familia uma laran hanesan, nia fen kaben no labarik sira”. Dehan Maria
Relasiona ho kazu ne’ebé mak ass iha Baucau Parte ALFELA monta ona kaixa do kesia iha Kada eskola sira, iha ne’ebé ALFELA mos kontinua halo sosializasaun no realiza workshop ba estudante, professores no Autoridade lokal sira hodi halo prevensaun ba violensia hasoru feto no labarik.
Ekipa Kobertura : RCLM
