RCLM Baucau (11/02/2026)—Loron 12 fulan fevereiru tinan ne’e, Primeiru Ministru Kay Rala Xanana Gusmão hamutuk ho membru governu, halo lansamentu fatuk dahuluk ba merkadu modernu Munisipal iha Tua-nau Baucau.
Sekretariu Asuntu Planu investimentu Dezenvolvimentu Integradu Eduardu Filipe Ximenes hateten, Autoridade Munisipiu hamutuk ho ekipa Ministeriu Komersiu Industria, hahu halo ona preparasaun ba fatin serimonia lansamentu fatuk dahuluk.
Eduardu afirma liu husi lansamentu ne’e, bele responde ona preokupasaun komunidade nian durante ne’e.
“Esperansa desde kuandu ita hasai ita nia vendedores sira, iha balun kritika balun apoio, tamba ne’e mak ita hateten katak esperansa mak ne’e, konstrusaun ne’ebe mak ita halo fazeadamente sei to’o, bainrua saida mak durante ne’e sira mehi, saida mak durante ne’e husu, liu husi Governu Sentra no Governu Lokal ita sei lansa merkadu Munisipal ne’ebe ke ho kualidade, hodi akumula ita nia vendedores sira”. Dehan PIDI ba jornalista sira iha fatin lansamentu Tua-Nau Baucau, 10/02/2026
Merkadu modernu ne’ebe mak Governu atu lansa ho nia luan hektares tolu, ne’ebé kontrui husi kompaña Suhurama Developer lda ho total Osamentu dollar Amerikanu 7.139,218,43.
Ekipa Kobertura : RCLM
