RCLM Baucau (08/11/2025)—Postu Saúde Buruma ne’ebe lokaliza iha Postu Administrativo Baucau Vila, Munisipiu Baucau Baucau la iha Komputador, hodi difikulta prosesu administrasaun nian.
Responsavel Postu Saúde Buruma Adelino Marcos da Costa Soares hateten, hahu husi tinan 2017 to’o mai agora, prosesu administrativa hanesan halo karta pedidu, Proposta no rekolla dadus, obrigadu tenke hakerek ho liman, tamba la iha komputador no printer.
Responssvel ne’e hatutan sente triste tebes tamba, komputador ne’ebe avaria hodi ba halo manutensaun to’o agora seida’uk diak, maske tenta bei-beik ba relevante sira, maibe la iha informasaun.
“Ne’e dehan karik ema bele hamnasa ita, atrazadu iha tiha ona tempu eletrisidade 24 oras maibe ita markarpassu nafatin ida atu kolia mos ami moe rasik, ami kolia bei beik ona mais ema ne’ebe tau matan ba ami ne’e la iha, triste ita triste duni ita atu koalia ba se koalia mak ba estadu maibe estadu la atende ne’e koalia tan ba se? ne’e mak ita presiju, kaundu iha prontu, uluk komputador iha ne’e ami halo buat hotu ate halo grafiku sira tau iha ne’e no iha dadus ne’ebe vizitante sira hare de’it”. Dehan Responsavel Postu Saúde Buruma Foin lalais ne’e.
Tamba ne’e rekomenda ba governu liu liu Ministeriu Saúde, hodi fo apoio komputador no printer ida, hodi bele faselita Profisional Saúde sira ba iha prosesu administrativo nian.
“Perna ami iha komputador ida, maibe dehan aat iha sistema saida dehan ba hadia atu haruka fila fali mai la iha to’o agora, ami nia nesesidade administrativo ne’e manual hotu kedan, ami atu halo pedidu ruma mos tenke hakerek ho liman deit mak ami lori ba Sentru Saúde, karta ruma ami atu halo ba boot sira mos hanesan ami konseitu tiha, ba ema hekerek tiha depois print out mak hatam involope lori ba sira, se bele ajuda mak ne’e ami presija duni komputador ho printer atu faselita ami iha administrativo nian” hatutan Responsavel PS Buruma
Profisional Saúde ne’ebe servisu iha Postu Saúde Buruma mak hanesan Mediku nain rua, infermeiru nain 1, Farmasia nain 1 inklui kliner nain ida.
Ekipa Kobertura : RCLM Baucau
