RCLM-Baucau (24-10-2025)—Japaun Internasionál Cooperation Agency (JICA) koperasaun servisu ho Ministériu Agrikultura Pekuaria Pekas no Floresta (MAPPF), hala’o workshop kona bá projeitu promosaun peskas sustentavél ba ekonomia azúl iha Munisipiu Baucau.
Xefe Adrisor, Jica B-Fish Hiroyuki Tanaka hatete, objetivu husi workshop ne’e partisipante sira bele komprense di’ak lala’ok projeitu promoasaun peskas sustentavél ba ekonomia azul, hodi resposabiliza no fó kontribuisaun másimu iha implementasaun.
“Projeitu ida ne’e marka kooperasaun tékniku primeiru iha Timor-Leste kona-bá setór peskas nian, tamba ne’e ami hakarak kolabora ita boot sira hodi promove peskas,” dehan Xefe Adrisor, Jica B-Fish Hiroyuki Tanaka iha CCB vila Antiga.
Xefe Departamentu Peskas no Akikultura iha Servisu Munisípál Agrikultura Baucau Martinho Ximenes afirma, workshop realiza iha Baucau nu’udar parte kapasitasaun grupu peskadór sira hodi halo atividade peskas ho di’ak no mos proteze rikusoin tasi nian.
“Kapasita ami nia peskadór sira oinsá sira bele halo riport ou satatan ba produsaun ba sira nia atividade durante iha tasi nian, tamba planu Governu oinsá atu fortaleza fila-fali ba ekonomia azúl nian inklui mos biodiversidade no ambiente seluk iha laran ne’ebé sai objetivu atu nafatin proteze ita nia rikusoin, tamba animál tasi laran balun lei bandu labele kaer inklui sasán balun utiliza limitasaun balun,” afirma Martinho.
Responsavel grupu Saewataisi postu administrativu Laga, Oracio Gaio Ximenes sente orgullu hola parte iha workhop ne’e, tamba bele hetan koiñesementu hadi halo aktividade pekas.
“Tuir formasaun ida ne’e tamba ami peskadór duni, maibe ninian lala’ok ba peskas ka kaer ikan no halo relatoriu ami seida’uk hatene,” dehan Responsavel grupu Saewataisi Oracio Gaio Ximenes.
Enkuantu hola parte iha workshop ne’e husi grupu peskador 13 husi postu Baucau vila, Laga, Vemasse no Quelicai.
Ekipa Kobertura : RCLM
