RCLM (23-10-2025)—Ministeiro Obras Públiká (MOP) destakdu Munisípiu Baucau, aprezenta ona proposta estrada rurál hamutuk pakote sanolu resin tolu (13) ba Governu liu-liu Ministeriu Obras Públikal.
Kordenadór Tékniku Destkadu Servisu Munispal Obras Publika Baucau Diogo Calezio Correira hatete, proposta rehabilitasaun estrada rurál kilometru 34.85 hamutuk pakote 13 ho nia orsamentu estimativu 8.15 milões, aprezenta ona ba unidade inspesaun verifikasaun pagamentu iha Ministeriu Obras Publika Nasional no balun prosesu iha ona Ajensia Dezenvolvimentu Nasional (ADN), atu halo verifikasaun bainhira finaliza Ministeriu bele loke prosesu tenderizasaun.
“2026 ita proposta 34.85 kilometru ho totál orsamentu estimativu 8.15 milões, agora iha hela unidade inspesaun verifikasaun pagamentu I VIP MOP Caicoli Díli balun haruka tiha ona ba ADN, hein verifikasaun husi AND, ita hatama pakote 13 tipu estrada rurál hotu,” dehan Kordenador Tékniku MOP destakadu Baucau ba jornalista sira iha nia kna’ar foin lalais ne’e.
Nia salienta, tinan oin Ministériu implementa projeitu estrada rurál pakote 13 seidauk bele responde hotu preokupasaun komunidade iha baze ne’ebe halerik ba Estrada, tamba tuir dadus estrada rurál iha teritoriu Baucau hamutuk kilometru 500.
”Ita responde tuir tetu fiskal ne’ebé iha balun ne’ebé prioridade ita tau para hadia uluk, maibe dezenvolvimentu nia sustentabilidade husi tinan ba tinan,” Diogo Calezio akresenta.
Enkuantu, estrada rurál pakote 13 aprezenta ba MOP iha Postu Administrativu Quelicai pakote 3 husi suku Lakuliu to’o Uaibitai, suku Letemumu, pakote 2 suku Baguia to’o suku Macalaco pakote 2, Postu Administrativu Laga pakote 2 suku Atelari ba Bordua, Postu Matebian pakote 1 suku Laisoru lai ba suku Maluro, Postu Baucau vila suku Seiçal ba Festaun pakote 3 no Postu Baguia suku Afaloica ba Buibelai pakote 1.
Ekipa Kobertura : RCLM
